Hugleiðingar veðurfræðings
Víðáttumikið lægðasvæði suður af landinu veldur áframhaldandi austan- og norðaustanáttum með rigningu eða slyddu öðru hvoru, en lengst af þurrviðri á Suður- og Vesturland. Hvasst verður sunnantil, einkum í Öræfum, Mýrdal og undir Eyjaföllum, en þar ma einnig búast við snörpum vindhviðum við fjöll sem geta verið varhugaverðar ökutækjum, sem taka á sig mikinn vind. Vakin er athygli gildandi á veðurviðvörnum fyrir Suður- og Suðausturland. Dregur smám saman úr vindi á morgun, en áfram strekkingur eða allhvasst um kvöldið.
Á fimmtudag nálgast kröpp og djúp lægð úr suðri, en tölvuspár eru nokkuð á reiki um feril hennar. Sumar spár gera ráð fyrir að lægðin verði all nærgöngul og er þá er búist við austanhvassviðri eða -stormi með talsverðri rigningu og hlýindum. Spá gerð: 09.12.2025 06:21. Gildir til: 10.12.2025 00:00.
Gul viðvörun vegna veðurs: Suðurland og Suðausturland
Veðurhorfur á landinu
Austan og norðaustan 10-18 m/s, en 18-25 við suðurströndina, hvassast í Öræfum. Rigning eða slydda öðru hverju, en úrkomulítið vestanlands.
Norðaustan 15-23 á morgun, en 10-18 annað kvöld, hvassast suðaustantil. Víða dálítil slydda eða rigning, en þurrt að kalla á Suður- og Vesturlandi.
Hiti 2 til 8 stig, mildast syðst.
Spá gerð: 09.12.2025 03:23. Gildir til: 10.12.2025 00:00.
Veðurhorfur á landinu næstu daga
Á miðvikudag:
Austan og norðaustan 10-18 m/s og víða él, en skýjað sunnantil og sums staðar rigning við ströndina. Hiti víða 2 til 6 stig, en nærri frostmarki norðantil.
Á fimmtudag:
Vaxandi austanátt, hvassviðri eða stormur með rigningu, slyddu eða eða snjókomu uppúr hádegi, talsverð úrkoma suðaustantil seinnipartinn. Hiti 0 til 8 stig, hlýjast syðst.
Á föstudag:
Stíf austan- og norðaustanátt og víða rigning eða slydda, en él norðantil. Hiti 0 til 5 stig.
Á laugardag:
Suðlæg eða breytileg átt og slydda eða snjókoma með köflum, en dálítil él norðan heiða. Hiti nærri frostmarki.
Á sunnudag:
Útlit fyrir ákveðna vestlæga eða norðvestlæga átt með snjókomu eða éljum í flestum landshlutum og kólnandi veður.
Á mánudag:
Líklega hægir vindar, stöku él og svat í veðri.
Spá gerð: 08.12.2025 19:47. Gildir til: 15.12.2025 12:00.
