Hugleiðingar veðurfræðings
Í dag spáir allhvassri sunnanátt með rigningu eða slyddu um sunnan- og vestanvert landið, en slydda eða snjókoma fyrir norðan fram eftir degi. Mögulega gæti orðið vatnselgur á götum núna í morgunsárið þar sem hlýnar með rigningu, einkum í þéttbýli. Í kvöld hvessir frekar og gengur í suðvestan hvassviðri eða storm á norðanverðu landinu og eru gular viðvaranir í gildi vegna þess.
Á morgun heldur sunnan hvassviðri eða stormur áfram en með talsverðri rigningu í fyrstu. Þegar líður á daginn kólnar og bætir í vindinn, en eftir hádegi stefnir í suðvestan storm eða rok með slydduéljum eða éljum og eru einnig gular viðvaranir í gildi vegna þess. Fólk er hvatt til að fylgjast með þróun veðurspáa fyrir helgina þar sem áframhaldandi lægðagangur ætlar lítið að gefa eftir. – Spá gerð: 10.02.2023 06:51. Gildir til: 11.02.2023 00:00.
Veðurhorfur á landinu
Suðlæg átt 10-18 m/s og rigning eða skúrir en slydda eða snjókoma í fyrstu um landið norðaustanvert. Hlýnandi, hiti 1 til 7 stig síðdegis. Gengur í suðvestan 18-25 m/s norðanlands seint í kvöld. Heldur hægari í nótt og víða rigning.
Gengur í sunnan og suðvestan 18-28 m/s eftir hádegi á morgun með skúrum, hvassast um norðvestanvert landið, en áfram úrkomulítið norðaustanlands. Hiti 4 til 9 stig. Heldur hægari vindur annað kvöld og víða él.
Spá gerð: 10.02.2023 10:40. Gildir til: 12.02.2023 00:00.
Veðurhorfur á landinu næstu daga
Á sunnudag:
Suðlæg átt 5-10 m/s og él, en þurrt um austanvert landið. Hiti kringum frostmark. Hvöss suðaustanátt með slyddu eða rigningu sunnantil um kvöldið og hlýnar.
Á mánudag:
Hvöss sunnanátt með rigningu, talsverð á köflum, en úrkomulítið norðaustantil á landinu. Hiti 5 til 10 stig.
Á þriðjudag:
Snýst í suðvestanátt með skúrum og síðar éljum sunnan- og vestanlands, en þurrt um landið norðaustanvert. Kólnandi.
Á miðvikudag:
Suðvestlæg átt með éljum, en þurrt norðaustantil. Hiti um frostmark.
Á fimmtudag:
Suðlæg átt með skúrum eða éjum og hita um og undir frostmarki.
Spá gerð: 10.02.2023 08:16. Gildir til: 17.02.2023 12:00.
