Ég stend vörð um Ísland, íslenskt fullveldi, menningu og tungumál. Ég skrifaði Váfuglinn til varnar sjálfstæði Íslands og frelsi, ensk útgáfa kom út 2012 í Westminster að viðstöddum lávörðum og þingmönnum þaggaður af pótintátum RÚV.
“NÆR ALLIR SEGJA HALL VEIKAN Á GEÐI.“
Í Moggagreininni varaði ég við glóbalizma sem beitti hommum, lesbíum og transfólki fyrir vagn sinn í pólitískum tilgangi og ég benti á áætlun George Soros um aðförina að vestrænni siðmenningu og vélabrögð lögfræðinga Rauða krossins gegn þjóð sinni. Gerspilltan Rauða kross á alþjóðavísu. Allt skjalfest. DV birti rógsfrétt: “Fjöldi þjóðþekktra ýmist fordæmir Hall eða hefur áhyggjur af geðheilsu hans,“ var fyrirsögn DV 8. janúar 2019 með myndum af þjóðkunnum glóbalistum, með Toggu töff og Byrlunar-Dodda í miðju rógsins.
Þau fóru í smiðju kommúnista í Sovétinu.“…Nær allir segja Hall veikan á geði,“ sagði DV eins og Pravda í den um Shakarov og Solzinitsyn. Ég bað DV að draga mig ekki oní drullupyttinn. Togga og Doddi gagnrýndu Moggann og Hrafnaþing til að útiloka þátttöku mína í opinberri umræðu. Og sjá þeim varð að ósk sinni. Minn ástkæri Moggi lét undan þrýstingi og neitaði birtingu greina; fyrst Innrás í líkama minn af læknum, sem eyðilögðu öxl mína og svo stórmerka grein: „Campomanes var KGB-njósnari“ enn óbirt. Hallur Hallsson er í kjallara blogg.is aldrei færður upp á forsíðu. Ég var tekinn af Hrafnaþingi, mínum gömlu vinnustöðum Stöð2, Vísi, DV. Það var hvíslað geðveikur suss, suss, endurtekið af lýðnum. Togga er töff, Doddi er samspilltur.
FAGLEG RÓGSHERFERÐ
Ég var í fremstu víglínu frétta minnar tíðar, meðal stofnenda Dagblaðsins árið 1975 og markaði þáttaskil í fréttum RÚV og Stöðvar2. Rógsherferð þeirra er fagleg, þau mega eiga það. Lygaveita ríkisins á Efstaleiti hefur lengst allra haft mig á svörtum lista. Ég hef verið ritskoðaður á samfélagsmiðlum og sætt tölvuárásum.
Hóphyggja blaðamanna er rótföst í Blaðamannafélagi Íslands undir forystu gerspillts formanns. Blaðamenn eru költ sem afritar Reuters, AP, CNN, BBC, New York Times sem breiða út faraldra og styrjaldir glóbalizta. Félag rannsóknarblaðamanna á Íslandi málaliði USAID og CIA. Veltið því fyrir ykkur. Byrlunarmál Páls skipstjóra afhjúpar gerspillt RÚV á Glæpaleiti.
KÖLT VÓKISTA
Ég hef upplýst þjóðina um stríðið í Úkraínu og covid-hneykslið og mörg fleiri mál í um áratug. Ég hef fjallað um fósturvísamálið, stuld Art Medica á 19 fósturvísum, innbrot yfir hundrað lækna í sjúkraskrár og ofsóknir Landspítalans á hendur hjónunum Gunnari Árnasyni og Hlédísi Sveinsdóttur sem falsmiðlar þagga. Útvarp Saga bættist í hóp þaggara. Gamall kollegi furðaði sig á að fjölmiðlar fjalla ekki um fósturvísamálið.
Hann vakti athygli kollega okkar en kom alls staðar að lokuðum dyrum. Blaðamenn eru költ vókista sem ljúga um öll helstu mál okkar tíðar. Komandi kynslóðir munu fjalla um þetta skeið Íslandssögunnar í forundran þegar þjóðin var afvegaleidd af glóbaliztum. Sagan er harður dómari. Ég rægður samt valdelfdur, einn gegn költinu. Það eru forréttindi. Þeim glymur klukkan.
