Nú eru miklar annir hjá embætti landlæknis. Auk starfsmanna sóttvarnasviðs, sóttvarnalæknis og landlæknis sinnir fjöldi annarra starfsmanna verkefnum sem tengjast viðbúnaði vegna veirusjúkdómsins COVID-19.
Starfsmenn hafa gert sitt ýtrasta til að sinna einnig öðrum mikilvægum verkefnum en nú er svo komið að ákveðið hefur verið að loka móttöku embættisins. Eftir sem áður er símsvörun frá 10:00-12:00 og frá 13:00-16:00 auk þess sem við leitumst við að svara póstum eins hratt og við ráðum við.
Málsmeðferð vissra erinda mun lengjast og verða hlutaðeigandi upplýstir til samræmis. Fólk er beðið um að sýna biðlund þeirri fordæmalausu stöðu sem uppi er.
Þau verkefni sem verða í forgangi eru, auk sóttvarna og lýðheilsumála þeim tengdum, eftirlit og ráðgjöf vegna heilbrigðisþjónustu, rekstur og viðhald rafrænna upplýsingakerfa og gagnagrunna, veiting starfsleyfa heilbrigðisstétta, símsvörun og rekstur embættisins. Að sjálfsögðu verður öðrum brýnum málum sem upp kunna að koma sinnt.
Eindregið er óskað eftir að þeir sem leita upplýsinga í tengslum við COVID-19 nýti sér upplýsingar á heimasíðu embættis landlæknis, fremur en að hringja í embættið. Ef einstaklingar sem gætu hafa verið útsettir fyrir smiti, t.d. hafa verið á áhættusvæði eða umgengist smitaða, finna fyrir veikindum er þeim bent á að hringja í síma 1700 (fyrir erlend símanúmer +354 544-4113) varðandi nánari upplýsingar og hvernig þeir eigi að nálgast heilbrigðiskerfið.
Starfsmenn skóla starfi þó nemendur eða starfsfólk sé sent heim vegna Covid-19
https://gamli.frettatiminn.is/starfsmenn-skola-starfi-tho-nemendur-eda-starfsfolk-se-sent-heim-vegna-covid-19/
