Það styttist hratt í sumarið og margir vilja koma sér í betra form til að njóta þess til fulls. Hvort sem markmiðið er aukin orka, styrkur eða betri líðan þá skiptir máli að byrja strax og halda sig við heilbrigðar venjur. Hér eru tíu leiðir sem gætu hjálpað þér að komast í form fyrir sumarið:
1. Settu þér raunhæf markmið
Ekki ætla þér of mikið á stuttum tíma. Skilgreindu skýr markmið, hvort sem þau snúast um þol, styrk eða þyngdartap og fylgdu þeim í smáum skrefum.
2. Hreyfðu þig reglulega
Reyndu að hreyfa þig að minnsta kosti 4-5. sinnum í viku. Hvort sem það er hlaup, lyftingar, sund eða hjólreiðar.
3. Gerðu hreyfingu skemmtilega
Veldu æfingar sem þú nýtur. Ef þú hefur gaman af dansi, fótbolta eða fjallgöngum, þá verður auðveldara að halda sig við rútínuna.
4. Hugsaðu um mataræðið
Mataræði skiptir gríðarlega miklu máli fyrir árangur. Forðastu unnin matvæli, borðaðu hollan og næringarríkan mat með áherslu á prótein, grænmeti og góðar fitur.
5. Drekktu nóg af vatni
Vökvatap getur dregið úr orku og frammistöðu. Reyndu að drekka að minnsta kosti tvo lítra af vatni á dag.
6. Sofðu vel
Góður svefn er nauðsynlegur fyrir vöðvauppbyggingu og almenna vellíðan. Reyndu að fá 7-9 klukkustundir af svefni á hverri nóttu.
7. Minnkaðu streitu
Streita getur haft neikvæð áhrif á líkama og hugarfar. Finndu leiðir til að slaka á, eins og djúpslökun, jóga eða einfaldlega göngutúra úti í náttúrunni.
8. Vertu með æfingafélaga
Það getur verið auðveldara að halda sig við æfingar ef þú ert með æfingafélaga. Hvetjið hvort annað og gerið ferlið skemmtilegra.
9. Forðastu óraunhæfa megrunarkúra
Fljótlegar lausnir skila oftast skammvinnum árangri. Einbeittu þér frekar að heilbrigðum venjum sem þú getur haldið í lengri tíma.
10. Fylgstu með framgangi þínum
Hvort sem þú skráir niður æfingar, tekur myndir eða notar snjalltæki til að fylgjast með framförum, þá getur það hjálpað til við að halda þér á réttri braut.
Ef þú byrjar í dag og heldur áfram af einbeitingu, þá verðurðu í toppformi þegar sumarið gengur í garð! 💪🌞
