Hugleiðingar veðurfræðings
Lægð er við austurströndina, og í dag þokast hún vestur yfir landið. Áttin verður því breytileg, yfirleitt gola eða kaldi, en austan strekkingur norðantil fram eftir degi. Rigning eða slydda með köflum víða um land, og snjókoma til fjalla, en það styttir smám saman upp á Norður- og Austurlandi. Síðdegis verður áttin orðin suðlæg með skúrum sunnan- og vestantil á landinu, en þurrt og bjart um landið norðaustanvert. Hiti 1 til 8 stig.
Norðan gola eða kaldi á morgun og slydda eða snjókoma með köflum um landið norðanvert, en sums staðar rigning nærri sjávarmáli. Sunnantil á landinu verður hins vegar úrkomulítið. Hiti 0 til 9 stig að deginum, mildast syðst. Annað kvöld styttir síðan upp allvíða. Spá gerð: 11.04.2023 06:40. Gildir til: 12.04.2023 00:00.
Veðurhorfur á landinu
Breytileg átt 5-13 m/s og rigning eða slydda með köflum, en styttir upp á Norður- og Austurlandi í dag. Suðlægari síðdegis með skúrum sunnan- og vestantil. Hiti 1 til 8 stig.
Norðlæg átt 5-10 á morgun og snjókoma eða rigning með köflum, en úrkomulítið sunnantil. Hæg breytileg átt annað kvöld og styttir allvíða upp. Hiti 0 til 8 stig að deginum, mildast syðst. Spá gerð: 11.04.2023 09:16. Gildir til: 13.04.2023 00:00.
Veðurhorfur á landinu næstu daga
Á fimmtudag:
Austlæg átt 3-10, en 8-15 suðaustantil. Rigning með köflum við suðurströndina, annars yfirleitt þurrt. Hiti 2 til 9 stig að deginum.
Á föstudag:
Hæg norðlæg eða breytileg átt og stöku skúrir eða él, en bjartviðri suðvestanlands. Hiti 1 til 8 stig yfir daginn, mildast sunnantil.
Á laugardag:
Austlæg eða breytileg átt og bjart með köflum, en lítilsháttar væta syðst. Hlýnar heldur.
Á sunnudag:
Austlæg átt og dálítil rigning með köflum, en þurrt á Norður- og Vesturlandi. Hiti 3 til 10 stig.
Á mánudag:
Suðaustlæg átt og líkur á vætu víða um land. Milt í veðri.
Spá gerð: 11.04.2023 08:21. Gildir til: 18.04.2023 12:00.