-0.2 C
Reykjavik
Laugardagur - 4. febrúar 2023
Auglýsing

,,þetta var rosalegt! – Parið yfirbugaði manninn“

Auglýsing

Auglýsing

Nýjar fréttir

Auglýsing

Hefði getað endað með mjög alvarlegu slysi ef parið hefði ekki náð að yfirbuga manninn

Aðili í annarlegu ástandi var handtekinn og vistaður í fangaklefa eftir að hafa gert tilraun til að stela bifreið sem var fyrir utan bensínstöð í hverfi 110 í gærkvöld.

,,þetta var rosalegt!“ Segir vitni sem var á bensínstöðinni þegar árásaraðilinn ruddist inn í bíllinn algerlega óboðinn. ,,Bíllinn var EKKI í gangi eins og kom fram í fréttum fyrr í dag, en um er að ræða lykilausa ræsingu á bílvélinni eins og algengt er í dag.“ Segir vitnið.

,,Þessi maður skellti húddi bílsins niður og rauk inn í hann og náði einhvern veginn að setja bílinn í gang en bíllinn var alls EKKI í gangi þegar hann ruddist inn í hann.

Kona eiganda bílsins sat í farþegasætinu og var með lykilinn í veskinu sínu og reyndi að stöðva hinn óboðna gest en honum tókst að setja bílinn í bakkgír (R) og bakkaði síðan á bensíndæluna á bensínstöðinni.“ Segir vitnið.

,,Ódæðismaðurinn náði síðan að setja bílinn í Drive og keyra aðeins áfram en á meðan því stóð reyndi konan að stöðva þetta innbrot og þjófnaðinn á bílnum með öllum ráðum og henni tókst loks að ýta á flautuna og halda henni inni og gera þannig öðrum viðvart um árásina. Því næst náði hún að reka bílinn í park og drepa á bílnum og sýndi mikið snarræði og hugrekki í viðureigninni við manninn.“

,,Eiginmaður hennar var á sama tíma inn á bensínstöðinni að kaupa rúðupiss og varð var við lætin úti og áttaði sig fljótt á því hvað var í gangi þarna úti og hljóp snarlega út og náði að rífa gæjann á öxlunum út úr bílnum og yfirbugaði hann tryggilega og fékk fljótlega aðstoð frá öðrum viðskiptavini, þar til lögreglan kom á svæðið.

Dælan stórskemmdist og það sér töluvert á bílnum eftir ódæðið. Parinu var eðlilega mjög brugðið að lenda í þessu og konan var nokkuð skelkuð eftir að hafa barist hetjulega við ódæðismanninn. Þá voru talsvert mikil átök hjá eiginmanni hennar að slást við þennan ódæðismann og yfirbuga hann, en það er deginum ljósara að miklu verr hefði getað farið og alvarlegra slys getað orðið, ef parið hefði ekki í sameiningu náð að yfirbuga ódæðismanninn.