Ákærður í Lørenskog málinu: Rannsóknarlögreglan fann vegabréf á í tölvu þess ákærða. Síðustu ár hefur maðurinn sem er á þrítugsaldri verið til rannsóknar hjá lögreglunni í Noregi. Þegar rannsakendur opnuðu tölvu hans, fundu þeir mynd sem er lykilvísbending í Lørenskog málinu svokallaða sem er stolna vegabréfið sem stolið var af Ole Henrik Golf.
Forsagan – Vegabréfið
Einhvern tíma á milli apríl 2013 og vetrar 2016 var afriti af vegabréfi Ole Henrik Golf frá Mandal stolið. Eintakið er selt á nokkrum markaðsstöðum á myrka vefnum. Golf vissi ekki af þjófnaðinum.
7. júní 2018: Vegabréfið var selt aftur – að þessu sinni á óþekktu markaðstorgi á myrka vefnum, hinum stjórnlausa og dulkóðaða hluta internetsins. Fyrir lögregluna er þetta tímabil mjög áhugavert. Það er á þessu tímabili sem nokkur skref í skipulaginu eru framkvæmd sem leiða til brottnáms Anne-Elisabeth Hagen.
Nákvæmlega einum mánuði síðar – 7. júlí 2018 – býr einhver til netfang í nafni Golf: ohgolf@mail.com Næstu daga var þetta netfang notað til að búa til reikninga á nokkrum rafmyntareikningum. Þetta átti eftir að verða miðpunktur hvarfsmálsins.
Vegabréfið hefur verið mikilvægt í rannsókninni á mannhvarfmálinu síðan síðla hausts 2018 og tengist skipulagi á brottflutningi á Anne-Elisabeth Hagen af heimili sínu. Lögreglan veit að stolið vegabréf sem tilheyrir Ole Henrik Golf, hefur verið misnotað af einum eða fleiri gerendum í þessu tæplega fjögurra ára gamla sakamáli – en einnig af öðrum sem ekki tengjast málinu.
Árið 2020 rannsakaði efnahagsbrotadeildin dæmdan mann á þrítugsaldri frá Ósló. Við rannsóknina lögðu þeir meðal annars hald á tölvu sem tengdist honum. Þegar rannsakendur fóru í gegnum innihald tölvunnar fundu þeir mynd af stolna vegabréfinu. Efnahagsbrotadeildin sendi upplýsingarnar til samstarfsmanna í því lögregluumdæmi sem rannsakar Lørenskog-málið.
Maðurinn er á þrítugsaldri
,,Mér er óheimilt samkvæmt lögum að tjá mig um þær upplýsingar sem fjölmiðlar hyggst búa yfir,“ segir verjandi ákærða, lögmaðurinn Marius Dietrichson.
Á síðasta ári framkvæmdi lögreglan röð rannsóknaraðgerða sem leiddi hana að uppgötvun myndarinnar af vegabréfinu sem hún tengir við dæmdan mann á þrítugsaldri, frá Ósló. Lars Reinholdt-Østbye lögreglustjóri í umdæmi lögreglunnar vill ekki svara spurningum, vegna þagnarskyldu í málinu. Maðurinn sem er á þrítugsaldri var grunaður á þessu tímabili. Hann var lögreglunni að góðu kunnur úr fyrri málum sem voru líkamsárásir, skilríkisþjófnaður, fjársvik og skjalafals.
Hafði lögreglan nú fundið þann sem keypti afrit af vegabréfi Ole Henrik Golf á myrka vefnum? Átti hinn dæmdi á þrítugsaldri þátt í að skipuleggja hvarf Anne-Elisabeth Hagen? Eða er hann bara maður sem hefur verið með vegabréfið – án þess að hafa hlutverk í Lørenskog-málinu yfir höfuð?
Samhliða leynilegri rannsókn á manninum síðastliðið haust og vetur fór lögreglan opinberlega í leit að öllum sem höfðu keypt, deilt eða selt stolnu auðkennin. Þá óskaði lögreglan eftir aðstoð verslana, greiðslumiðlunar og allra sem geta leitað að nafni Golf á viðskiptavinalistum sínum. ,,Ég vil hvetja þá til að tilkynna til lögreglu. Það er kominn tími á það, sagði saksóknarinn Gjermund Hansen.“
Lögreglan lagði einnig mikið á sig við að leysa málið og lofaði m.a. sakaruppgjöf og friðhelgi fyrir refsingu, fyrir vitni sem hugsanlega höfðu framið refsivert brot.
Að hve miklu leyti myndirðu segja að þessi skilríkisþjófnaður bendi til Norðmanns? ,,Við höfum nokkrar mismunandi tilgátur um það og það er margt sem hægt er að benda á þar. Um er að ræða norskt vegabréf sem stolið hefur verið af Norðmanni og er það ítrekað í nokkrum norskum sakamálum. Þannig að það er eitt af mörgu sem stefnir í átt að Noregi,“ svaraði þáverandi yfirsaksóknari.
Í lok maí var kæra fyrir morð leynilega lögð fram á hendur manninum á þrítugsaldri. Samkvæmt ákærunni þarf hlutdeild að morðinu að hafa átt sér stað á tímabilinu frá júní 2018 til hvarfdags 31. október 2018, þ.e. á því tímabili sem lögreglan telur að meginhluti skipulagningar mannránsins hafi átt sér stað.
Maðurinn sem er á þrítugsaldri, er ákærður fyrir morð, en hann neitar sök, að sögn verjanda síns, lögfræðingsins Marius Dietrichson. Lögreglan svarar engum spurningum tengdum Lørenskog-málinu.
Discussion about this post