Hugleiðingar veðurfræðings – Allt að 26 m/s á NV og NA landi
Í dag verður smá pása frá hvössum vindi og úrkomu, en í kvöld hvessir aftur af suðri með talverðri rigningu og hlýnar ört. Morgundagurinn verður sömuleiðis hvass og blautur og hitinn víða 5 til 10 stig, en úrkomulítið verður fyrir norðan. Einnig verður minnkandi úrkoma um landið vestanvert annað kvöld. – Spá gerð: 12.02.2023 06:31. Gildir til: 13.02.2023 00:00.
Veðurhorfur á landinu
Hægt minnkandi suðvestanátt. Él og hiti nálægt frostmarki, en úrkomulítið á Norðaustur- og Austurlandi. Suðlæg átt 5-13 þegar kemur fram á daginn. Vaxandi suðaustanátt og rigning eða slydda í kvöld, einkum sunnan- og vestanlands. Hlýnar aftur.
Sunnan 15-23 á morgun og rigning, en lengst af þurrt norðanlands. Styttir upp að mestu allra vestast annað kvöld. Hiti víða 5 til 10 stig. Spá gerð: 12.02.2023 04:03. Gildir til: 13.02.2023 00:00.
Veðurhorfur á landinu næstu daga
Á þriðjudag:
Sunnan og suðvestan 5-13 m/s. Skúrir og síðar él, en þurrt á Norðaustur- og Austurlandi. Hiti 0 til 5 stig, en víða vægt frost um kvöldið.
Á miðvikudag:
Sunnan 5-13 og dálítil snjókoma eða él, en hægari og úrkomulítið norðaustantil á landinu. Hiti um eða undir frostmarki.
Á fimmtudag:
Snýst í norðanátt með éljum norðanlands, en léttir til sunnan heiða. Frost 0 til 5 stig.
Á föstudag:
Norðanátt og él á Norður- og Austurlandi, en léttskýjað suðvestanlands. Frost 0 til 5 stig.
Á laugardag:
Útlit fyrir suðlæga átt og hlýnandi veður.
Spá gerð: 12.02.2023 08:17. Gildir til: 19.02.2023 12:00.
