Samkvæmt áreiðanlegum upplýsingum Útvarps Sögu þá mun tálbeituhópurinn svokallaði sem hefur verið í haldi lögreglu vegna manndráps í fyrrakvöld í Þorlákshöfn hafa ráðist að röngum manni og veitt honum svo alvarlega áverka að hann lést af þeim í gærmorgun eftir að hafa fundist í Grafarvogskirkjugarði.
,,Málsatvik munu vera þau að 6 manna hópur fólks sem hefur gengið undir nafninu “ tálbeituhópurinn “ réðst inn á heimili mannsins í Þorlákshöfn, síðla kvölds mánudags og töldu að þau væru að heimsækja mann sem hafi sýnt af sér þá tilburði að áreita börn og ungmenni með barnaklámi. Hófu þau þegar í stað að berja manninn og réðust að eiginkonu mannsins og píndu hana til að millifæra milljónir króna af bankareikningi hjónanna yfir á reikning árásar hópsins.
Eiginkona mannsins hlýddi fólkinu sem var í árásarham en eiginkonan náði að hringja í lögregluna en á sama tíma héldu barsmíðar þeirra áfram gegn manninum og misþyrmdu þau honum að eiginkonunni ásjáandi. Síðan forðaði árásar hópurinn sér í burtu og tóku manninn með, sem var mjög alvarlega slasaður og vart með lífsmarki og keyrðu þau sem leið lá til Reykjavíkur og köstuðu manninum í Gufuneskirkjugarð þar sem maðurinn fannst í gærmorgun og var þá með lífsmarki en lést á sjúkrahúsi skömmu síðar.
Hinn látni sem var tæplega 70 ára gamall bjó í Þorlákshöfn ásamt eiginkonu sinni var ekki heill heilsu og með framheilaskaða og hafði ekki verið virkur notandi á tölvu. Beinist rannsókn lögreglu að því að árásarhópurinn hafi farið mannavillt og því banað saklausum sjúklingi í misgripum fyrir einhvern annan sem hópurinn hafi ætlað að ráðast að.
Yngsti einstaklingurinn sem tilheyrir tálbeituhópnum er 18 ára en einnig eru í hópnum eldri einstaklingar og eru þar á meðal meðal annars þekktir og margdæmdir ofbeldismenn. Hópurinn hefur áður komið við sögu lögreglu en fyrir skömmu réðist hópurinn á karlmann á Akranesi og beittu hann mjög grófu ofbeldi með þeim afleiðingum að maðurinn enn á sjúkrahúsi.“ Segir í fréttinni.
Hljóðupptaka úr manndrápsmáli gengur manna á milli á Telegram
