Dómstóll í London úrskurðaði kaupsýslumanni í vil sem barðist gegn Google, en málið snéri að því að Google neitaði að fjarlægja frásögn um glæp sem maðurinn hafði framið og birtist í leitarniðurstöðum Google er nafn mannsins var slegið inn þar.
Í réttindabaráttu sem kallast „réttur til þess að gleymast“ þá er það réttlætanlegt í þessu máli segir Mark Warby, dómarinn sem kvað upp dóminn í London. Hann aftur á móti vísaði frá svipaðri kröfu sem var gerð af öðrum aðila sem var fangelsaður fyrir alvarlegri brot.
Kaupsýslumaðurinn sem ekki var nafngreindur, var dæmdur fyrir 10 árum vegna samsæris í máli sem að gekk undir heitinu NT2 og var hann dæmdur í sex mánaða í fangelsi.
Hinnn maðurinn, þekktur sem NT1, sem tapaði sínu máli, var dæmdur fyrir meira en 10 árum síðan vegna útgáfu falsaðra reikninga. Hann var dæmdur í fjögurra ára fangelsi.
Þeir stefndu Google fyrir dómstól vegna þess að fyrirtækið neitaði að fjarlægja leitarniðurstöður um þá, þar á meðal tengla við fréttaefni sem að mennirnir töldu að hefðu ekki átt rétt á sér og verið óviðeigandi.
Dómstóllinn komst að þeirri niðurstöðu að í máli NT2 sýndi viðkomandi iðrun og viðurkenndi sekt sína, en NT1 hélt áfram að blekkja almenning.
,,NT2 hefur hreinskilnislega viðurkennt sekt sína og lýst yfir ósvikinni iðrun,“ sagði dómstóllinn og Það eru engin merki um áhættu fyrir endurtekningu. Núverandi starfsemi hans er á öðru svæði og er nokkuð frábrugðin því sem hann starfaði við áður.“
NT1 hefur hins vegar ekki samþykkt sekt sína og hann er ennþá atvinnurekandi og engar upplýsingar benda til þess að minni áhætta sé nú á að hann muni bæta ráð sitt.“ Sagði dómstóllinn.
Afskráningin mun ekki eyða upplýsingum alveg frá skrá Google en það mun verða miklu erfiðara að finna hana. Lögmaður Google sagði að fyrirtækið myndi samþykkja úrskurðina.
,,Við vinnum hratt að því að vinna í málum er snúa að réttinum til þess að gleymast, en við erum mjög varkár og fjarlægjum ekki leitarniðurstöður sem koma almenningi við.“ sagði Google í yfirlýsingu sinni. ,,Við erum ánægð með að dómstólar hjálpi okkur að finna réttlátar niðurstöður í viðleitni okkar til þess að breyta rétt á þessu sviði og við munum virða þá dóma sem liggja fyrir í þessu máli.“
