Sett hefur verið upp vefsíða til að safna hlutafjárloforðum fyrir stofnun nýs lággjaldaflugfélags. Skúli Mogensen og fyrrverandi lykilstjórnendur WOW air sem að skv. tilkynningu þeirra, stefna að stofnun nýs félags, kannast ekki við síðuna skv. viðtali Skúla við RÚV í dag.
Síðan heitir hluthafi.com og var stofnuð í fyrradag með fyrirsögninni Tryggjum hagvöxt og samkeppni í flugi. Þar hægt að skrá sig fyrir bindandi hlutafjárloforði sem að gildir í 90 daga að því er fram kemur á síðunni. Á síðunni er ekki er beðið um kreditkortanúmer en ítarlegar upplýsingar eru um síðuna og tilgang hennar. Nöfn aðstandenda og ábyrgðarmanna koma samt ekki fram.
Það sem að kemur fram á síðunni er m.a. þetta:
Eftir að Wow air fór í þrot þá hefur verð á flugmiðum stórhækkað og erlendir fjárfestar hafa keypt hluti í samkeppnisaðilum, þar sem það blasir við að nú á að hagnast á ferðalögum Íslendinga. Látum ekki fásamkeppni eyðileggja okkar lífsgæði. Tökum þátt og leggjum til hlutafé til að reisa Wow air eða nýtt lággjalda flugfélag, sem nemur hluta af farseðli til útlanda. Okkar framlag er það sem til þarf til að tryggja ferðaöryggi almennings, samkeppni, atvinnu og styrkja enn frekari kaupmátt og ferðaþjónustu, okkur öllum til hagsældar. Sameinumst um stofnfé, þá þurfum við ekki hvert og eitt að leggja mikið til þar sem margt smátt gerir eitt stórt, þ.e. flugfélag.
Við erum fyrrum viðskiptavinir Wow air og annarra flugfélaga. Við vitum að ef samkeppni minnkar eða fellur niður í samkeppnisumhverfi þá töpum við til lengri tíma. Auk þess vitum við að ferðaþjónusta á Íslandi hefur aukið hagvöxt og lífsgæði á undanförnum árum og viljum við tryggja þau gæði áfram.
Við teljum að ef Skúli og hans besta fólk getur endurreist Wow air þá eigum við sem einstaklingar í þessu landi að sameinast um að hjálpa til. Því hvetjum við einstaklinga og fyrirtæki til að leggja fram lítilsháttar hlutafé í krafti fjöldans og tryggja rekstur Wow air til framtíðar.
Við teljum að ef við náum að safna minnst 10-20 þúsund hluthöfum þá sé best að stofna almenningshlutafélag sem myndi fjárfesta í Wow air eða nýju lággjalda flugfélagi. Þá mætti hugsa sér að krefjast þess að hið nýja almenningshlutafélag fengi mann í stjórn til að tryggja hinum almenna hluthafa vernd.
a) Ef Skúli og hans fólk nær ekki að reisa félagið við þá ætti að skoða alvarlega stofnun á nýju lággjalda flugfélagi í eigu almennings. Þetta er ekkert nema tilraun til að stuðla að frekari samkeppni, endurreisa hagvöxt og tryggja kaupmátt, sem enginn þarf að skammast sín fyrir. Ef ekki tekst að endurreisa Wow air og eða stofna nýtt lággjaldaflugfélag þá verða engin hlutafjárloforð skuldbindandi og falla því niður ógild.
b) Ef Skúla (eða einhverjum öðrum) tekst að endurreisa félagið,og eða stofna nýtt félag. Þá eru líkur á að það auki samkeppni og hagvöxt. Þeir sem leggja þessu málefni lið geti eignast góða fjárfestingu, sem má selja á markaði í framtíðinni og eða breyta í farseðla svo að eitthvað sé nefnt.
Daði Gunnarsson yfirmaður netafbrotadeildar lögreglunnar á höfuðborgarsvæðinu hafði ekki heyrt af síðunni þegar RÚV hafði samband við hann í dag.
Hér má sjá síðuna hluthafi.com
