Kuldadagar í veiðinni
,,Já vorum að veiða upp á hálendinu og það var snjókoma og ekki nema tvær gráður en fengum veiði og það var logn“ sagði Didi Carlson sem var að koma úr veiði í kuldanum sem hefur verið síðustu daga en það veiddust fiskar.
,,Vorum inn á virkjunarsvæði Landsvirkjunar og fengum níu stykki, sá stærsti 6 pund, vorum sátt en áttum ekki von á neinu svo sem. Já það var virkilega kalt en vel þess virði“ sagði Didi enn fremur um veiðitúrinn inn á hálendið.
Sömu sögu hafa margir að segja um þessa kuldadaga í veiðinni um helgina en það á að hlýna og það er fyrir öllu. Ekki veitir af.
Umræða
