-0.2 C
Reykjavik
Þriðjudagur - 31. janúar 2023
Auglýsing

Þorsteinn Már Baldvinsson hættir sem forstjóri Samherja

Auglýsing

Auglýsing

Nýjar fréttir

Auglýsing

 

,,Ég er dapur yfir þessum kringumstæðum“

Eftir að fréttaskýringarþátturinn Kveikur fór í loftið s.l. þriðjudagskvöld hefur þjóðfélagið verið á hliðinni vegna þeirrar myndar sem þar var sýnd. En uppljóstrarinn Jóhannes Stefánsson fyrrverandi framkvæmdastjóri Samherja í Namibíu ásamt Wikileaks ofl. rannsóknaraðilum lagði þar fram munnlegan vitnisburð og gögn um meintar mútur upp á milljarða í Namibíu. Þau gögn sem hafa verið lögð fram nema 30.000 blaðsíðum og annað eins á líklega eftir að birtast þann 1.desember n.k.
Þá hafa ráðherrar sagt af sér í Namibíu, þeir sömu og sagðir eru hafa tekið á móti hundurðum milljóna í mútgreðslur. Samherji birti svo nú í morgun yfirlýsingu um að  Þorsteinn Már Baldvinsson hættir sem forstjóri Samherja tímabundið á meðan á rannsókn á þessum alvarlegu ásökunum stendur hjá yfirvöldum á Íslandi og í Namibíu.

Yfirlýsing frá Samherja :

,,Forstjóri og stjórn Samherja hafa komist að samkomulagi um að forstjóri félagsins, Þorsteinn Már Baldvinsson, stígi tímabundið til hliðar þar til helstu niðurstöður yfirstandandi innri rannsóknar á ætluðum brotum dótturfélags í Namibíu liggja fyrir.
Björgólfur Jóhannsson, fyrrum forstjóri Icelandair Group, hefur tekið tímabundið við stöðu forstjóra Samherja. Á komandi dögum mun Björgólfur leggja áherslu á að hitta starfsfólk og helstu hagsmunaaðila.
Yfirstandandi rannsókn, sem er í höndum alþjóðlegu lögmannsstofunnar Wikborg Rein, mun halda áfram og mun Wikborg Rein heyra beint undir stjórn félagsins.
„Hjá Samherja starfa um 850 manns á Íslandi og fjöldi manns erlendis. Við tökum þetta mikilvæga skref til að tryggja sem best hlutleysi rannsóknarinnar. Við viljum stunda heiðarleg viðskipti og leggjum okkur fram um að starfa í samræmi við gildandi lög og reglur”, segir Eiríkur S. Jóhannsson, stjórnarformaður Samherja.
Til þessa hafa engin yfirvöld haft samband við Samherja en við munum að sjálfsögðu starfa með þeim stjórnvöldum sem kunna að sýna starfsemi Samherja á Íslandi, í Namibíu eða annars staðar áhuga.
„Samherji gegnir mikilvægu hlutverki í sjávarútvegi á alþjóðavísu og berum við ábyrgð gagnvart okkar fólki og viðskiptavinum. Ég er dapur yfir þessum kringumstæðum en ég mun gera mitt besta að gæta hagsmuna Samherja og starfsfólksins”, segir Björgólfur Jóhannsson.
Ekki er að vænta frekari umfjöllunar af hálfu Samherja fyrr en staðreyndir úr ofangreindri rannsókn taka á sig skýrari mynd.“