Þrír dómarar við Landsrétt munu ekki að svo stöddu taka þátt í dómstörfum Landsréttar eftir dóm Mannréttindadómstóls Evrópu. Þetta eru þau Arnfríður Einarsdóttir, Ásmundur Helgason og Jón Finnbjörnsson en fjórði dómarinn, Ragnheiður Bragadóttir, er í námsleyfi til 30.júní. Þeir halda launum sínum á meðan á þessu stendur. Skv. upplýsingum sem að birtust á síðu Landsréttar.
En eins og kunnugt er, þá sagði Sigríður Á Andersen af sér embætti dómsmálaráðherra eftir dóm Mannréttindadómstóls Evrópu sem að dæmdi verk fyrrum dómsmálaráðherra ólögleg og að vinnslan og málatilbúnaðurinn allur hefði verið svívirðilegur og án fordæma. Ljóst er að mikið verkefni er fyrir höndum vegna þess gríðarlega alvarlega ástands sem að hefur skapast í landinu þar sem að dómskerfið er allt í upplausn og í molum eftir að Mannréttindadómstóll Evrópu dæmdi verk fyrrum dómsmálaráðherra ólögleg varðandi ráðningar á dómurum ofl. í svokölluðu Landsréttarmáli.
Tilkynning frá forseta Landsréttar
Í tilefni af dómi Mannréttindadómstóls Evrópu í máli Guðmundar Andra Ástráðssonar gegn Íslandi frá 12. mars síðastliðnum var á fundi dómara Landsréttar sama dag ákveðið að fresta öllum þinghöldum sem boðað hafði verið til í þessari viku.
Frá og með mánudeginum 18. mars næstkomandi mun Landsréttur starfa samkvæmt breyttri dagskrá sem birt verður á heimasíðu réttarins.
Eftirtaldir dómarar Landsréttar munu sinna dómstörfum:
Aðalsteinn E. Jónasson
Davíð Þór Björgvinsson
Hervör Þorvaldsdóttir
Ingveldur Einarsdóttir
Jóhannes Sigurðsson
Kristbjörg Stephensen
Oddný Mjöll Arnardóttir
Ragnheiður Harðardóttir
Sigurður Tómas Magnússon
Vilhjálmur H. Vilhjálmsson
Þorgeir Ingi Njálsson
Landsréttardómararnir Arnfríður Einarsdóttir, Ásmundur Helgason og Jón Finnbjörnsson munu að svo stöddu ekki taka þátt í dómstörfum. Landsréttardómarinn Ragnheiður Bragadóttir er í námsleyfi frá 1. janúar til 30. júní 2019.
Kópavogi, 15. mars 2019. Hervör Þorvaldsdóttir, forseti Landsréttar
https://www.fti.is/2019/03/13/sigridur-andersen-domsmalaradherra-segir-af-ser/
