Ákærður fyrir að falsa kílómetrastöðu í 134 bílum

Ákæra í máli bílaleigunnar Procar var þingfest í Héraðsdómi Reykjavíkur í morgun. Haraldur Sveinn Gunnarsson, framkvæmdastjóri bílaleigunnar, er einn ákærður. Hann játaði sök við rannsókn málsins en hann mætti ekki fyrir dóminn. Haraldur Sveinn er ákærður fyrir skjalafals og til vara fjársvik. RÚV greindi fyrst frá.

Procar málið snýst um það að snemma á árinu 2019 viðurkenndu forsvarsmenn bílaleiguunnar Procar að hafa skrúfað kerfisbundið niður kílómetrateljara í bílum sínum þegar þeir voru settir í sölu. Það gerður þeir í kjölfar útsendingar á fréttaskýringaþættinum Kveik þar sem fjallað var um þetta svikamál sem var mjög umfangsmikið. Þar kom í ljós að mikill fjöldi fólks hafði orðið fyrir barðinu á svikunum og þau staðið yfir árum saman. Embætti Héraðssaksóknara fékk málið inn á sín borð í byrjun sumars 2020.

Sex fara fram á bætur í málinu, meðal annars starfandi lögreglumaður á Vestfjörðum. Bæturnar sem fólkið fer fram á nema samtals 4,1 milljón króna. Verjandi Haraldar sagði Harald Svein ekki hafa átt heimangengt fyrir dóminn í morgun en að hann myndi vilja koma sem fyrst til að lýsa afstöðu sinni til ákæruefnisins.

Fram kem­ur í ákær­unni að í kjöl­far þess að málið kom upp hafi Procar fengið aðstoð lög­fræðistofu til að bæta upp tjón vegna hátt­sem­inn­ar og leitað hafi verið til óháðs sér­fræðings sem mat verðmætarýrn­un bif­reiðanna vegna föls­un­ar­inn­ar.

Breyt­ing­in sem gerð var á bíl­un­um var allt frá um tvö þúsund kíló­metr­um upp í 52.130 kíló­metra, en breyt­ing flestra bíl­anna er á bil­inu 10 til 40 þúsund kíló­metr­ar. Fram kem­ur í ákær­unni að í kjöl­far þess að málið kom upp hafi Procar fengið aðstoð lög­fræðistofu til að bæta upp tjón vegna hátt­sem­inn­ar og leitað hafi verið til óháðs sér­fræðings sem mat verðmætarýrn­un bif­reiðanna vegna föls­un­ar­inn­ar.

Var tek­in sú ákvörðun að reikna 40% ofan á hina út­reiknuðu fjár­hæð og bjóða sem bæt­ur, en að lág­marki 50 þúsund krón­ur. Var metið tjón af niður­færsl­un­um sam­tals 10,1 millj­ón, en með 40% álagi var upp­hæðin 14,9 millj­ón­ir. Í ág­úst í fyrra var búið að greiða bæt­ur vegna 116 bif­reiða að fjár­hæð 13,3 millj­ón­ir, en óupp­gert var vegna 18 bif­reiða. Um 86% eru þegar búnir að semja vegna málsins

Meðal þeirra sem fengu greidd­ar bæt­ur var Ergo fjár­mögn­un­arþjón­usta, Lands­bank­inn, Sjóvá, Lands­bank­inn, Bíla­búð Benna, nokkr­ar bíla­leig­ur og fjöldi ein­stak­linga og nokk­ur önn­ur fyr­ir­tæki.

Björn L. Bergsson, dómari í málinu, greindi frá því í þinghaldinu að Haraldur Sveinn hefði játað sök við rannsókn málsins og spurði verjanda hans hvort hann ætti von á því að sú afstaða breyttist. Nei, sagði verjandinn. Haraldur Sveinn myndi engu að síður ekki fallast á bótakröfurnar eins og þær væru settar fram. Hann væri engu að síður reiðubúinn til sátta.

Ólafur Þór Hauksson rakti ákæruna fyrir dómnum. Hann sagði Harald Svein ákærðan fyrir skjalafals en til vara fjársvik. Honum væri gefið að sök að hafa á árunum 2014 til 2018 falsað kílómetrastöðu í 134 bílum. Hann er sagður hafa fengið aðila til að breyta kílómetrastöðunni þannig að þeir gæfu ranglega til kynna að bílanir væru minna eknir og auðvelda væri auðveldara að selja þá.

Í ákærunni kemur fram að Haraldur Sveinn segist hafa fengið pólskan mann að nafni Pawel til að falsa með rafrænum hætti stöður á kílómetramælum í aksturstölvum. Í ákærunni kemur fram að búið sé að greiða bætur vegna 116 bíla upp á samtals 13,3 milljónir. Ekki sé búið að gera upp bætur vegna samtals 18 bíla þar sem áætlað tjón nemur 1,6 milljónum króna. FÍB hefur fjallað um málið á vef sínum.