Bandarísk yfirvöld hafa nú gefið Elon Musk grænt ljós á að skjóta upp heimsins stærstu eldflaug, fyrr og síðar. Á hádegi á mánudag er hún tilbúin til brottfarar.
SpaceX hefur fengið leyfi til að hleypa af stokkunum „Super Heavy“ og „Starship“. Eldflaugin er stærri og öflugri en eldflaugarnar sem komu mönnum til tunglsins. Öllum prófunum er þegar lokið. Það eina sem var eftir, var leyfi bandarískra flugmálayfirvalda, FAA sem liggur nú fyrir.
„Super Heavy“ og „Starship“ munu slá öll met. „Super Heavy“ er skotfærið. „Starship“ er geimfarið. Super Heavy, er 69 metrar á hæð og hefur 33 vélar. Það hefur kraft upp á 75,9 meganewton (sem er mjög, mjög mikið).
Samsetta geimfarið rís heila 120 metra yfir jörðu. Það er níu metrum meira en Satúrnus V. sem var annað stærsta geimfar til þessa.
Hafnar í sjónum
Bæði „Super Heavy“ og „Starship“ eru hönnuð til að vera endurnýtanleg. Á meðan á prófun stendur verður þeim samt eytt. Þeim er hleypt af stokkunum sem ein samsett eining. Eftir nokkrar mínútur mun „Starship“ skilja sig frá „Super Heavy“.
SpaceX vill sanna eftirfarandi í fyrstu ferð:
Að vélin nái að flytja skipið út í geim.
Að vélin geti náð mjúklegri lendingu á jörðinni.
Að geta ,,lifað af“ heimkomu úr geimnum.
„Super Heavy“ mun líkja eftir lendingu sem mun fara fram í sjónum, beint austan við sjósetningarsvæðið. Eldflaugin mun hægja á sér og ná núll lóðréttum hraða rétt við yfirborðið. Þar mun það fara ofan í sjóinn og sökkva.
„Starship“ mun nota eigin vélar til að ná næstum þeim hraða sem það þarf til að komast á sporbraut. Yfir Kyrrahafinu mun það lenda í andrúmsloftinu. Ef það nær þessu markmiði mun það fljóta niður í átt að yfirborði sjávar.
