Fjörutíu og eitt þúsund manns (40.957) hafa skrifað undir undirskriftalista þar sem fólk segir Bjarni Benediktsson ekki hafa þeirra stuðning sem forsætisráðherra. Listinn hefur verið í loftinu undanfarna sólarhringa og hafa hrannast undirskriftir inn á listann.
Bjarni Benediktsson tók í gær við sem forsætisráðherra Íslands eftir að Katrín Jakobsdóttir baðst lausnar úr embættinu til þess að bjóða sig fram til forseta. Þá safnaðist fólk saman við Bessastaði og mótmælti og handtók lögregla a.m.k. einn mann. Síðar um daginn, mættu mótmælendur á þingpalla Alþingis þegar Bjarni flutti stefnuræðu sína. Fljótlega í kjölfar þess að tilkynnt var að Bjarni tæki við sem forsætisráðherra, stofnaði Eva Lín Vilhjálmsdóttir undirskriftalista fyrir fólk sem segir Bjarna ekki hafa þeirra traust sem forsætisráðherra.
Umræða
