Á vefsíðunni Ísland, þvert á flokka er hafin undirskriftasöfnun vegna þess að talið er að núverandi kerfi hafi brugðist: Fréttatilkynningin er svohljóðandi:

Krafist er tafarlausra breytinga á lögum um útlendinga. Undirritaður telur að núverandi fyrirkomulag hafi brugðist og krefst skýrari reglna, aukins öryggis og raunhæfrar aðgerða strax.

Krafist er eftirfarandi:

1. Að hælisleitendur verði vistaðir í lokuðu úrræði eða sendir tímabundið úr landi á meðan á bakgrunnsrannsókn stendur.


2. Afturköllun dvalarleyfa við brot, rangar upplýsingar eða ferðir til upprunalands.


3. Afnám fjölskyldusameininga í núverandi mynd.


4. Fimm ára hlé á nýjum hælisumsóknum á meðan kerfið er endurskoðað frá grunni.


5. Að stuðningur við fólk í neyð sé veittur heima fyrir– þar sem hjálpin nýtist fleirum og betur.