Verðbólga á Íslandi er sú mesta í 12 ár og er að stærstum hluta vegna hækkunar matar, drykkjarvara og húsnæðiskostnaðar. Við þurfum öll að leggja okkar af mörkum til að halda aftur af henni.
Stjórn Neytendasamtakanna beinir því til forsvarsmanna fyrirtækja að leita allra leiða til að halda aftur af hækkunum. Fyrirtæki verða þess í stað að hagræða, lækka álögur og draga úr arðsemiskröfum. Bendir stjórn á að hagnaður banka og margra smásölufyrirtækja var afspyrnugóður í fyrra.
Þá beinir stjórn samtakanna því til stjórnvalda að frysta eða lækka gjaldskrár, og frysta í krónum talið, lækka eða afnema tolla og álögur hið snarasta.
Neytendur þurfa að standa saman, og vera á varðbergi gegn óeðlilegum verðhækkunum.
Discussion about this post