-4.2 C
Reykjavik
Fimmtudagur - 9. febrúar 2023
Auglýsing

Kröfur í þrotabú West Seafood ehf. á Flateyri námu 328 milljónum

Auglýsing

Auglýsing

Nýjar fréttir

Auglýsing

Lýstar kröfur í þrotabú West Seafood ehf. á Flateyri námu 328 milljónum að sögn skiptastjóra. 115 aðilar, ýmist lögaðilar eða einstaklingar, lýstu kröfum í búið.
Samtals námu sértöku og veðkröfur 136 milljónir og forgangskröfur eru 56 milljónir, sem eru kröfur vegna launa og lífeyrisgjalda. Þetta kemur fram á vef Bæjarins besta, fyrir vestan.
Ákveðið var að taka ekki afstöðu til almennra krafna að svo stöddu en helstu eignir félagsins eru fiskvinnsluhús og beituskúr á Flateyri, vinnslutæki, lyftarar og báturinn Jóhanna G. Umræddar eignir eru í söluferli í framhaldi af veðhafafundi.
,,Mörg fyrirtæki á Vestfjörðum lýstu kröfum í þrotabúið. Meðal þeirra sem Bæjarins besta er kunnugt um eru Græðir ehf, Hlunnar ehf og ÍS 47 ehf. Grundvöllur að starfsemi West Seafood ehf var samningur við Byggðastofnun um afnot af sértækum byggðakvóta í sex ár. Byggðastofnun rifti að lokum samningnum vegna vanefnda.“ Segir á vef Bæjarins besta.