Þessum flokkum að kenna að nú eru fyrirvinnur rúmlega 700 fjölskyldna atvinnulausar
,,Vistvænir strandveiðimenn sem mega aðeins veiða í 48 hálfa daga á ári, harma skemmdarverk og málþóf stjórnarandstöðunnar sem kom í veg fyrir að ríkisstjórnin gæti lögfest 48 daga til strandveiða. Sjálfstæðisflokkur, Framsóknarflokkur og Miðflokkur vinnur beinlínis gegn okkur og frelsi einstaklingsins og hafa gert það síðustu rúma tvo áratugi.
Sömu flokkar hafa unnið fyrir elítuna og oligarka á sama tíma sem ræna ríkið innanfrá og þjóðina, með einkavinavæðingu og moka undir sérhagsmuni. Nú grímulaust fyrir SFS með lengsta málþófi í sögu Alþingis Íslendinga. Þjóðin er á móti þessum flokkum og fylgi þeirra hefur hrunið og allt þetta verður rifjað upp í næstu kosningum. Lygin í SFS um að þeim sé annt um atvinnumál á landsbyggðinni sannast enn og aftur nú, þegar þeim er sama um rúmlega 700 fjölskyldur.
Það er þessum sömu flokkum að kenna að nú eru fyrirvinnur rúmlega 700 fjölskyldna atvinnulausar. Þeir eru á móti frelsi einstaklingsins en vilja moka undir elítuna og stórútgerðina og kvótaerfingja sem koma sér hjá því að greiða eðlilegt afnotagjald fyrir auðlind þjóðarinnar.“ Segir vistvænn strandveiðisjómaður.
Spillingin þrífst hjá Sjöllunum – Hagsmunir kvótaerfingja þingmanna varðir á Alþingi
