-2.2 C
Reykjavik
Þriðjudagur - 7. febrúar 2023
Auglýsing

3,2 stiga frost á Þingvöllum – ,,Á morgun skiptir um gír í veðrinu''

Auglýsing

Auglýsing

Nýjar fréttir

Auglýsing

 
Aðgerðalítið veður í dag, síðan votviðri í nokkra daga
Það hefur verið svalur loftmassi yfir landinu síðustu daga. Sums staðar hefur gránað í fjöll og næturfrost hefur mælst á stöku stað. Síðastliðna nótt lét frostið einnig á sér kræla og ber helst að nefna Suðurland í því sambandi. Þar mældist mest 3,3 stiga frost á Kálfhóli og 3,2 stiga frost á Þingvöllum.
Í dag er útlit fyrir aðgerðalítið veður á landinu. Lítil eða engin úrkoma er í kortunum og vindur með hægasta móti. Helst er að sjáist til sólar á Suður- og Vesturlandi og þar verður væntanlega hlýjast, hitinn gæti skriðið yfir 10 stig á einhverjum mælistöðvum. Á morgun skiptir um gír í veðrinu, en þá gera spár ráð fyrir að hefjist mjög blautur kafli á landinu sem virðist eiga að standa nánast sleitulaust alveg fram á helgi. Raka loftið sem færist yfir landið er af suðlægum uppruna og loftmassinn er tiltölulega hlýr sem þýðir að hitinn verður oft um eða yfir 10 stig í rigningunni. Segir í hugleiðingum veðurfræðings
Veðurhorfur á landinu
Hæg breytileg átt í dag. Bjartviðri um landið vestanvert, þurrt að kalla norðanlands, en skúrir á Suðausturlandi.
Suðaustan og austan 8-15 m/s á morgun, en 15-20 með suðurströndinni þangað til síðdegis. Víða rigning, talsverð á suðurhelmingi landsins.
Hiti 6 til 11 stig yfir daginn.
Spá gerð: 17.09.2019 10:25. Gildir til: 19.09.2019 00:00.
Veðurhorfur á landinu næstu daga
Á fimmtudag:
Sunnan 8-13 og talsverð rigning. Styttir upp á norðaustanverðu landinu um kvöldið. Hiti 8 til 14 stig.
Á föstudag og laugardag:
Suðlæg átt og rigning og úrkomulítið norðaustanlands. Hiti 9 til 17 stig, hlýjast á norðausturlandi.
Á sunnudag:
Fremur hæg suðlæg eða breytileg átt og dálítil væta sunnan- og vestanlands. Hiti 6 til 13 stig.
Á mánudag (haustjafndægur):
Útlit fyrir austlæga átt með vætu og mildu veðri.
Spá gerð: 17.09.2019 08:50. Gildir til: 24.09.2019 12:00.