2.8 C
Reykjavik
Föstudagur - 27. janúar 2023
Auglýsing

Léttir til eftir hádegi og víða léttskýjað í kvöld

Auglýsingspot_img

Nýjar fréttir

Auglýsingspot_img

Lægð nálgast úr suðri

Hugleiðingar veðurfræðings
Í dag verður hæg breytileg átt á landinu. Lítilsháttar rigning eða slydda með köflum framan af deginum, einkum um vestanvert landið. Styttir upp og léttir til eftir hádegi, víða léttskýjað í kvöld. Hiti verður í kringum frostmark en líkt og algengt er í björtu veðri þá kólnar og verður frost í öllum landshlutum í nótt. Á morgun nálgast svo næsta lægð úr suðri og með henni fylgir vaxandi norðaustanátt, víða strekkingur eða allhvass vindur seinnipartinn. Skýjað með köflum en þurrt að kalla. Norðaustanlands verður hægari vindur og lítilsháttar slydda eða snjómugga. Vægt frost en hlýnar syðst er líður á daginn.

Veðurhorfur á landinu
Breytileg átt 3-10 m/s og lítilsháttar rigning eða slydda með köflum, einkum vestantil. Styttir upp og léttir til eftir hádegi. Hiti í kringum frostmark en kólnar heldur í kvöld. Norðaustan 8-15 og skýjað með köflum en þurrt að kalla á morgun en hægari vindur og dálítil slydda eða snjókoma norðaustantil. Frost 0 til 5 stig en hiti 0 til 4 stig með suðurströndinni.

Veðurhorfur á landinu næstu daga
Á föstudag:
Norðaustan 3-10 m/s og yfirleitt þurrt en stöku skúrir eða él við ströndina, einkum syðst. Bætir heldur í vind síðdegis. Hiti um og undir frostmarki.

Á laugardag:
Suðaustan 5-13 m/s en lengst af norðaustan 8-13 norðvestantil. Rigning eða slydda með köflum og hiti 0 til 5 stig.

Á sunnudag:
Austlæg eða breytileg átt og rigning eða slydda með köflum en þurrt og bjart veður sunnan- og vestantil. Hiti í kringum frostmark.

Á mánudag:
Suðvestan átt og lítilsháttar rigning eða slydda með köflum sunnan- og vestanlands en annars þurrt að kalla. Hiti breytist lítið.

Á þriðjudag:
Norðaustlæg átt og úrkoma um austanvert landið en þurrt að kalla vestantil. Hiti um frostmark.

Á miðvikudag:
Útlit fyrir austlæga átt með dálítilli rigningu eða slyddu um allt land.