Ástralinn Brenton Tarrant, sem varð fimmtíu manns til bana í hryðjuverkaárás á tvær moskur í Christchurch í Nýja Sjálandi aðfaranótt föstudags, ætlar að verja sig sjálfur fyrir dómi. Richard Peters, fyrrverandi lögmaður hans greinir AFP fréttastofunni frá þessu.
Peters, sem var ráðinn sem lögmaður Tarrants af dómara, segir Tarrant hafa tekið það skýrt fram að hann vilji ekki að neinn annar verji sig. Petrs segir hann hafa virst með réttu ráði og hann virtist ekki eiga við nein geðræn vandamál að stríða. „Hann virtist skilja kringumstæður,“ hefur AFP fréttastofan eftir Peters.