Skjálftahrina byrjaði um kl. 2 í nótt (18. mars) um 10 km norðaustur af Grímsey. Stærsti skjálftinn í hrinunni varð kl. 03:43 og var 3,3 að stærð. Engar tilkynningar hafa borist um að skjálftinn hafi fundist. Tæplega 50 skjálftar hafa mælst frá miðnætti. Jarðskjálftar eru algengir á þessu svæði.
Stærstu skjálftar síðustu 48 klst
| Stærð | Tími | Gæði | Staður |
|---|---|---|---|
| 3,3 | 18. mar. 03:43:10 | Yfirfarinn | 13,5 km NNA af Grímsey |
| 3,0 | 16. mar. 17:30:09 | Yfirfarinn | 18,3 km SA af Húsafelli |
| 2,9 | 18. mar. 03:45:50 | Yfirfarinn | 13,0 km NNA af Grímsey |
Rúmlega 260 jarðskjálftar voru staðsettir með SIL-mælakerfi Veðurstofu Íslands í vikunni, nokkuð fleiri en vikuna á undan, þegar 216 mældust. Stærsti skjálfti vikunnar 4,1 að stærð þann 04. mars kl. 05:53, í sunnanverðri Bárðarbunguöskjunni. Stuttu fyrr mældist skjálfti 3,8 að stærð. Einn eftirskjálfti 3,3 að stærð mældist kl. 06:03. Einn smáskjálfti mældist í Heklu og einn í Eyjafjallajökli. Meiri virkni var í Bárðarbungu, en svipuð virkni var í Öræfajökli og Kötlu eins og í síðustu viku.
