Í Heimsmálunum ræddu Arnþrúður Karlsdóttir og Pétur Gunnlaugsson við Guðmund Franklín Jónsson viðskiptafræðing á Útvarpi Sögu um grun um stórfelldar falsanir á undirskrift Joe Biden á skjölum sem varða mikilvægar ákvarðanir í valdatíð hans sem forseta.
Í umræðunni kom fram að Joe Biden hefði hugsanlega ekki farið sjálfur með stjórn landsins heldur aðrir aðilar innan stjórnsýslunnar sem hefðu tekið mikilvægar ákvarðanir í hans nafni með því að falsa undirskriftir hans á mikilvægum skjölum eins og náðunum og uppgjöf sakar hjá ýmsum aðilum. Hlusta má á þáttinn í spilaranum hér að neðan á vef útvarpsins og jafnframt segir:
Vél notuð til að falsa undirskrift Biden
Í þættinum var rætt um að ákveðin skjöl sem áttu að hafa verið undirrituð af Biden hefðu í raun verið staðfest með svokölluðum autopen sem er tæki sem endurtekur undirskrift forsetans fyrrverandi án þess að hann sjálfur framkvæmi hana. Þetta hefði verið notað til að staðfesta forsetatilskipanir sem hefðu haft áhrif á stefnu Bandaríkjastjórnar án þess að forsetinn væri endilega meðvitaður um innihald þeirra.
Óvissa um hverjir tóku raunverulegar ákvarðanir
Rætt um hverjir í raun hefðu farið með völdin í Hvíta húsinu. Þeir sem hafa fylgst með stjórnmálum í Bandaríkjunum hafa velt því fyrir sér hvort fyrrverandi forseti Barack Obama eða aðrir áhrifamiklir einstaklingar hafi verið í bakgrunni að móta stefnu stjórnarinnar. Þá var einnig bent á að Biden hefði oft sýnt merki um heilsubrest sem gæti hafa haft áhrif á getu hans til að sinna forsetaembættinu og óvíst hefði verið að hann hefði í raun verið meðvitaður um það væri verið að falsa nafn hans.
Náðanir og uppgjöf sakar fóru fram með autopen undirritun
Í umræðunni var sérstaklega fjallað um þær náðanir sem Biden veitti með notkun autopen. Þar á meðal var náðun einstaklinga sem tengdust rannsókninni á atburðunum 6. janúar 2021. Þá var í hópnum meðal annars Anthony Fauci sókkvarnarlæknir sem gengdi lykilhlutverki í COVID-19 stefnu Bandaríkjastjórnar. Biden veitti fyrirfram sakaruppgjöf sem náði til nokkurra einstaklinga, meðal annars ýmissa embættismanna, Hunter Biden og annara vina og fjölskyldutengdra einstaklinga.
Grunur um að völdin hafi verið tekin úr höndum forsetans
Rætt var um að ef í ljós komi að forsetinn hefði ekki sjálfur tekið allar mikilvægar ákvarðanir þýddi það í raun valdarán aðila innan kerfisins sem hafi þá stjórnað Bandaríkjunum á bak við tjöldin og farið fram hjá lýðræðislegu ferli.
Trump krefst rannsóknar á málinu
Donald Trump hefur kallað eftir því að þetta verði rannsakað og að farið verði ofan í saumana á þeim skjölum sem Biden á að hafa undirritað. Ef niðurstaða rannsóknar leiðir í ljós að forsetinn hafði ekki raunverulegt vald á meðan hann gegndi embættinu gæti það haft víðtækar afleiðingar. Ljóst væri þá að þeirra tilskipana sem settar voru á þessum tíma væru í raun ómarktækar og það gæti haft á framtíð bandarískra stjórnmála.
Óvissa um réttmæti lagasetninga
Í umræðunni var einnig bent á að ef forsetinn hefði ekki verið sá sem stjórnaði í Hvíta húsinu í raun gæti það þýtt að sumar ákvarðanir væru ekki lagalega bindandi. Þetta gæti haft áhrif á stór mál sem hafa verið samþykkt á undanförnum árum og skapað réttaróvissu.
Hlusta má á ítarlegri umfjöllun í spilaranum hér að neðan
