Hugleiðingar veðurfræðings
Í dag verður suðaustan strekkingur víðast hvar, en þó hægari vindur norðvestanlands. Að mestu skýjað á vesturhelmingi landsins, en bjart um landið austanvert. Dálítil súld með köflum sunnantil, annars þurrt að kalla. Áfram er hlýtt norðanlands og hiti gæti náð 22 stigum. Öllu svalara er á Austfjörðum, en þar er útlit fyrir viðvarandi þokuloft og hita um 10 stig.
Fremur hlýjar sunnan- og austanáttir verða ráðandi næstu daga með vætu af og til, einkum um sunnanvert landið. Spá gerð: 18.06.2020 06:45. Gildir til: 19.06.2020 00:00.
Veðurhorfur á höfuðborgarsvæðinu
Suðaustan 5-10 m/s, en lægir í nótt. Norðvestan 3-8 seinnipartinn á morgun. Lengst af skýjað og hiti 9 til 13 stig, en hlýnar heldur á morgun.
Veðurhorfur á landinu
Suðaustan 8-13 m/s, en hægari vindur norðvestanlands. Skýjað um vestanvert landið og súld á köflum sunnantil, annars þurrt og bjart. Austan 3-8 á morgun og bjart með köflum en lítilsháttar væta vestast. Hiti 8 til 20 stig að deginum, hlýjast í innsveitum norðaustanlands. Gengur í suðaustan 10-15 með rigningu við suðuströndina annað kvöld.
Spá gerð: 18.06.2020 07:48. Gildir til: 20.06.2020 00:00.
Veðurhorfur á landinu næstu daga
Á laugardag (sumarsólstöður):
Suðaustan 8-13 m/s og rigning með köflum, en úrkomulítið norðaustantil. Hiti 12 til 21 stig, hlýjast norðanlands.
Á sunnudag:
Austan 10-15 og skýjað með köflum, en rigning suðaustantil. Hiti 10 til 20 stig, hlýjast norðantil.
Á mánudag og þriðjudag:
Suðaustan 8-15 m/s og víða rigning, einkum suðaustantil. Úrkomulítið norðanlands. Hiti 10 til 18 stig.
Á miðvikudag:
Austlæg átt og vætu í öllum landshlutum. Kólnar heldur.
Spá gerð: 18.06.2020 08:11. Gildir til: 25.06.2020 12:00.