Banaslys við Arnarstapa á Snæfellsnesi

Rétt fyrir hádegi í gær, fimmtudaginn 18. maí, barst tillkynning til lögreglu um að maður hefði fallið fram af björgum við Arnarstapa á Snæfellsnesi og lægi hreyfingarlaus í fjörunni neðan klettanna.

Aðstæður til björgunarstarfa voru mjög erfiðar, ekki hægt að komast að fjörunni, nema sjóleiðina. Maðurinn var úrskurðaður látinn á vettvangi af lækni sem komst fyrstur á vettvang ásamt björgunarsveit.

Rigning og þoka var þegar slysið varð og mjög hált á bjargbrúninni. Tildrög slyssins eru til rannsóknar hjá lögreglunni á Vesturlandi.