2.8 C
Reykjavik
Föstudagur - 27. janúar 2023
Auglýsing

Opið bréf til Matvælaráðherra

Auglýsingspot_img

Nýjar fréttir

Auglýsingspot_img
Háttvirtur ráðherra Svandís Svavarsdóttir, það var haft eftir þér í fjölmiðlum í síðustu viku eftir birtingu ráðgjafar Hafransóknarstofnunar um 6% niðurskurð á þoskkvóta á næsta fiskveiðiári, að útgerðirnar eigi að geta ráðið við þessa minnkun á veiðiheimildum með betri nýtingu. Nú ætla ég að leita ráða hjá þér hvernig að ég sem að geri út smábát með krókaaflamarki sem að er komið niður í rúm 12 þoskígildistonn eftir 13% skerðingu á þessu ári geti brugðist við 6% skerðingu á því næsta?

Hér um bil allur kvóti í krókaaflamarki er kominn í hendur stórútgerðarinnar

Forvera þínum Sigurði Inga tókst að eyðileggja krókaaflamagnskerfið með því að breita stærðamörkum smábáta upp í þrjátíu tonn sem að var til þess að hér um bil allur kvóti í krókaaflamarki er kominn í hendur stórútgerðarinnar og leigukvóti orðinn nær ófáanlegur og þá á mjög háu verði.

Hugsanlega ráðleggur þú mér að fara í strandveiðikerfið,en því er til að svara að þar sem að ég er með þessa litlu veiðiheimild finnst mér ekki rétt að leigja frá mér veiðiheimild þar sem að veiðiskyldan er einungis 50% (margir leigja allt eftir einhverjum krókaleiðum) og hafa af því tekjur til að fara í félagslegt kerfi sem að strandveiðin er, eins og svo fjölmargir gera. (það er eins og að skreppa úr vinnu til að sækja atvinnuleysis bætur). Ég hef stundað handfæraveiðar nokkuð lengi, fór fyrst á trillu 1967 og hef verið meira og minna við þetta síðan og eingöngu síðastliðin 10 ár.

 Töluverðir ágallar á strandveiðikerfinu

Það eru töluverðir ágallar á strandveiðikerfinu sem að ég á erfitt að sætta mig við.
Ég fef alltaf reynt að róa eftir veðurspá og gæftum hvort sem er á virkum degi eða helgi, það passar ekki alltaf við exel skjalið og dagatalið frá Ráðuneitinu.
Kolefnisspor er mikið lægra þar sem að koma með meiri afla í hverri ferð.
Eigenda ákvæði strandveiðilaganna er marklaust,Það er ekki sett neitt lágmark á eign í bátnum þar af leiðandi eru margir leguliðar að róa þessum bátum.
Það er algerlega búið að eyðileggja frjálsræðið sem að hefur fylgt smábátaútgerð í árhundruð og ég tel mig eiga fullann rétt á sem Íslenskur þegn, að geta gert út bát og lifað af minni vinnu.

Og enn er verið að herða að með óásættanlegum mönnunareglum.
Því spyr ég þig háttvirtur Ráðherra hvernig á ég að bregðast við væntanlegum niðurskurði?
Ég læt ér fylgja með mynd sem að sýnir vel árangurinn af fiskveiðistjórnuninni síðustu áratugina.
En samkvæmt orðum forstjóra Hafransóknarstofnunar er þorskstofninn í mjög góðu ástandi og hefur ekki verið betri síðan 1960.
Með von um góðar ráðleggingar. Kveðja þorsteinn jóhannesson.

https://frettatiminn.is/28/04/2021/kvotagreifi-sem-leigir-fra-ser-kvota-borgar-ekki-kronu-til-samfelagsins/