Alþingi samþykkti við afgreiðslu laga um breytingar á öðrum lögum í tengslum við fjárlög, að greiða skyldi nú í desember tíu þúsund króna eingreiðslu til þeirra örorku- og endurhæfingalífeyrisþega sem rétt eiga á desemberuppbót. Greiðsla þessi er til viðbótar við desemberuppbót þessa árs. Þetta kemur fram á vef Öryrkjabandalagsins.
Síðan segir í lögunum: „Eingreiðsla þessi skal ekki teljast til tekna greiðsluþega og ekki leiða til skerðingar annarra greiðslna. Tryggingastofnun ríkisins annast framkvæmd þessa ákvæðis.“
Þetta þýðir í raun að eingreiðsla þessi er bæði skattlaus, og mun ekki telja nein staðar til skerðinga á öðrum greiðslum.
Blákalt svínað á öryrkjum?
https://gamli.frettatiminn.is/2019/12/18/blakalt-svinad-a-oryrkjum/
Umræða
