8.8 C
Reykjavik
Sunnudagur - 5. febrúar 2023
Auglýsing

Vegum og heiðum lokað vegna veðurs – Vont veður á slysstað á Kjalarnesi

Auglýsing

Auglýsing

Nýjar fréttir

Auglýsing

Vont veður er á Kjalarnesi, mikill vindur, hálka og lítið skyggni og hefur  veginum verið lokað vegna veðurs. Aðstæður við hjálparstarf eru erfiðar við hjálparsterf á Kjalarnesi en allt tiltækt lið var kallað út vegna tveggja rúta sem fóru út af veginum á Kjalarnesi um kvöldmatarleytið. Önnur rútan fór út af veginum norður af Grundahverfi, hin var nær Hvalfjarðagöngunum.
Lögregla, slökkvilið og sjúkraflutningamenn voru send á vettvang og björgunarsveitir voru kallaðar út og voru farnir af stað vegna fyrri rútunnar þegar fregnir bárust um að önnur rúta hefði líka farið út af veginum. Enginn slasaðist alvarlega en þrír hlutu minniháttar áverka í þessu u.þ.b. 40 manna slysi en um 10 voru í annari rútunni og 30 í hinni.
Vegunum um Hellisheiði, Þrengsli, Mosfellsheiði og undir Hafnarfjalli hefur einnig verið lokað og ekkert ferðaveður er á þessum svæðum. Veðurstofa Íslands hefur lýst yfir gulri viðvörun á Sunnan og Vestanverðu landinu en veðurspá segir að veðrið muni lægja síðar í kvöld. Vesturlandsvegur er lokaður á milli Esjumela og Hvalfjarðarganga að sög lögreglu.

Suðurland Hríð (Gult ástand)

20 jan. kl. 18:00 – 21:00 – Suðaustan 15-20 m/s. Snjókoma eða slydda, en úrkoma færir sig yfir í rigningu nærri sjávarmáli og hlýnar. Erfið akstursskilyrði vegna takmarkaðs skyggnis og snjó- eða krapaþekju, sérílagi í uppsveitum og á heiðavegum, t.d. Hellisheiði.

Faxaflói Hríð (Gult ástand)

20 jan. kl. 19:00 – 22:00 – Suðaustan 15-23 m/s. Snjókoma eða slydda, en úrkoma færir sig yfir í rigningu nærri sjávarmáli og hlýnar. Erfið akstursskilyrði vegna takmarkaðs skyggnis og snjóþekju, sérílagi í uppsveitum og á heiðavegum, t.d. Bröttubrekku.

Breiðafjörður Hríð (Gult ástand)

20 jan. kl. 19:00 – 22:00 – Suðaustan 15-23 m/s. Snjókoma eða slydda, en úrkoma færir sig yfir í rigningu nærri sjávarmáli og hlýnar. Erfið akstursskilyrði vegna takmarkaðs skyggnis og snjóþekju, sérílagi á heiðavegum, t.d. Vatnaleið.

Veðurhorfur á höfuðborgarsvæðinu

Suðaustan 15-20 m/s með slyddu eða rigningu og hlýnar. Sunnan 8-13 eftir miðnætti með éljum og kólnar aftur. Breytileg átt yfirleitt 3-8 á morgun, él og vægt frost.
Spá gerð: 20.01.2019 18:38. Gildir til: 22.01.2019 00:00.

Veðurhorfur á landinu

Suðaustan 15-23 m/s sunnan- og vestanlands með snjókomu eða slyddu og síðar rigningu á láglendi. Hægari og úrkomuminna fyrir norðan og austan. Hlýnar um tíma á landinu. Dregur úr vindi seint í kvöld og í nótt, fyrst á suðvesturhorninu.
Suðlæg eða breytileg átt 5-13 m/s á morgun og él í flestum landshlutum. Gengur líklega í vestan 15-20 syðst á landinu eftir hádegi með snjókomu. Kólnandi veður, frost víða 0 til 5 stig seinnipartinn.
Spá gerð: 20.01.2019 18:38. Gildir til: 22.01.2019 00:00.

Veðurhorfur á landinu næstu daga

Á þriðjudag:
Vestlæg eða breytileg átt 5-13 m/s á vestanverðu landinu með éljum. Hægviðri og yfirleitt léttskýjað austantil. Frost 1 til 10 stig.
Á miðvikudag:
Norðaustan 5-10 og snjókoma á Norðaustur- og Austurlandi. Frost 0 til 4 stig. Hægviðri og léttskýjað um landið sunnan- og vestanvert með frosti að 12 stigum.
Á fimmtudag:
Gengur í allhvassa eða hvassa suðaustanátt, en hægari suðvestanátt um kvöldið. Víða slydda eða snjókoma, en rigning á láglendi á sunnanverðu landinu. Hlýnandi veður, hiti 0 til 5 stig undir kvöld, mildast syðst.
Á föstudag:
Snýst í ákveðna norðaustanátt með snjókomu, en rofar til sunnan heiða. Kólnandi veður.
Á laugardag:
Útlit fyrir minnkandi norðanátt. Víða bjart veður, en lítilsháttar él norðaustantil á landinu fram eftir degi. Frost um allt land.
Spá gerð: 20.01.2019 09:10. Gildir til: 27.01.2019 12:00.

Færð og aðstæður

Höfuðborgarsvæðið:  Hálka er á öllum stofnbrautum.
Suðvesturland: Hálkublettir eru á Grindavíkurvegi. Lokað er á Hellisheiði, Sandskeiði, Þrengslum, Mosfellsheiði, Lyngdalsheiði og Kjalanesi. Hálka eða snjóþekja á öðrum leiðum. Hálka og mjög hvast er á Suðurstrandarvegi og flughálka á kafla.
Vesturland: Hálka er á Holtavörðuheiði en hálka og snjóþekja á öðrum leiðum og þó nokkur éljagangur. Þæfingsfærð og snjókoma er á Bröttubrekku. Mjög slæmt veður er á Snæfellsnesi og ekkert ferðarveður. Lokað er á  Fróðárheiði.
Vestfirðir: Snjóþekja og hálka og eitthvað um éljagang.
Norðurland: Vetrafærð, snjóþekja, hálka eða hálkublettir og eitthvað um éljagang.
Norðausturland: Hálka á öllum leiðum. Þungfært er á Hólasandi.
Austurland: Hálka eða hálkublettir á öllum leiðum.
Suðausturland: Hálka, hálkublettir og eitthvað um éljagang.
Suðurland: Hálka, snjóþekja og éljagangur.

Framkvæmdir á Suðurlandsvegi

Vegna vinnu við að breikka Hringveginn er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju.
Á afmörkuðum svæðum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við gatnamót Hringvegar. Framúrakstur er bannaður á framkvæmdarsvæði. – Áætluð verklok eru 1. mars nk.

Fjaðrárgljúfur lokað

Vakin er athygli á að Umhverfisstofnun hefur lokað Fjaðrárgljúfri en lokunin verður endurskoðuð ekki síðar en 23. janúar. Þetta er gert bæði af öryggisástæðum og til að koma í veg fyrir frekari gróðurskemmdir á svæðinu. Bílastæðið er einnig lokað og ekki er hægt að leggja bílum í næsta nágrenni við svæðið.