Allra síðasta veiðiferðin – „Það má ekk­ert klikka í þess­um túr“

Kvik­mynd­in Allra síðasta veiðiferðin var frum­sýnd í kvik­mynda­hús­um nú í mars­mánuði en um er að ræða sjálf­stætt fram­hald af vin­sælu gam­an­mynd­inni Síðasta veiðiferðin. Eins og áður eru það Mar­kel-bræður, Þorkell Harðar­son og Örn Marinó Arn­ar­son, sem bæði leik­stýra og fram­leiða mynd­ina.

Leik­ara­r eru fleiri en í fyrri mynd­inni, Sig­urð Sig­ur­jóns­son fer með eitt aðalhlut­verkið sem tengdapabbi Vals Aðal­steins­son­ar fjár­fest­is, sem er leikinn af Þor­steini Bachmann.

Sig­urður Sig­ur­jóns­son á stórleik í myndinni og það eru ýmsar kómískar uppákomur í þessari mynd eins og þeirri fyrri. Mikið er drukkið í veiðitúrnum eins og áður og skrautlegar uppákomur í samræmi við það. Tök­urnar fóru fram við Laxá í Aðal­dal, þannig að sögusviðið er stórkostlegt.

Yf­ir­skrift­in á plakat­inu fyr­ir mynd­ina er: „Það má ekk­ert klikka í þess­um túr“ en það er óhætt að segja að það hafi ekki gengið eftir og leikarahópurinn sá um að koma því vel og sannfærandi á framfæri í þessari stórskemmtilegu gamanmynd.

,,Eftir ævintýralegan laxveiðitúr fyrra sumars er ákveðið að halda aftur til veiða, þrátt fyrir misgóðar minningar úr þeim túr. Til að koma sér áfram í pólitík býður Valur Aðalsteins félögunum í flotta laxveiði með því skilyrði að þeir hagi sér vel og ekkert megi klikka. Vegurinn til Helvítis er eins og áður varðaður góðum ásetningi og er þessi túr ekki undanskilin því…“

Nýir leik­ar­ar eru þeir Sig­urður Sig­ur­jóns­son, Sig­urður Þór Óskars­son og Gunn­ar Helga­son.

Þá eru sömu leikarar og í Síðustu veiðiferðinni:

Þor­steinn Bachmann, Hall­dór Gylfa­son, Hilm­ir Snær Guðna­son, Þröst­ur Leó Gunn­ars­son Jó­hann Sig­urðar­son og Hjálm­ar Hjálm­ars­son ásamt lög­reglu­kon­un­um, Hall­dóru Geir­h­arðsdótt­ur og Ylfu Marín Har­alds­dótt­ur. Edda Björg Eyj­ólfs­dótt­ir og Hall­ur Ing­ólfs­son sem leikur enn prest­inn eins og í fyrri myndinni.

Myndin er m.a. sýnd í Laugarásbíó.