Eldur í húsi í Hafnarfirði – Íbúar forðuðu sér út

Eldur logar í húsi við Hvaleyrarbraut í Hafnarfirði og mikinn reyk leggur frá því. Í húsinu er iðnaðarstarfsemi, en vegfarandi sem fréttastofa ræddi segir að svo virðist sem búið sé í húsinu. Hann hafi íbúa forða sér út úr húsinu. Annar segist hafa séð eldinn taka yfir húsið og fólk á hlaupum á þökum og allt í kring.

Benedikt Sigurðsson fréttamaður á ríkisútvarpinu greindi fyrst frá og er á vettvangi. Vegfarandi sem hann ræddi við segist hafa hlaupið inn í húsið og vakið fjögurra manna fjölskyldu sem var þar sofandi.

Slökkvi­lið á höfuð­borgar­svæðinu er á vett­vangi elds­voðans í iðnaðar­hús­næði á Hval­eyra­r­braut í Hafnar­firði. Fimm slökkvibílar eru á vettvangi, auk þriggja sjúkrabíla.