Fjórir menn á slöngubát voru hætt komnir er þeir sigldu bát sínum á sker sunnan við Akurey.
Björgunarsveit var ræst út sem kom mönnunum til bjargar en þeir voru mjög blautir og kaldir. Þeir voru í kjölfarið fluttir á bráðamóttöku með sjúkrabílum. Ekki er vitað hversu miklar skemmdir urðu á bátnum.
Þá kallaði lögreglan út björgunarsveit til leitar að manni sem var villtur á Esjunni, en mjög vont veður var á svæðinu. Maðurinn fannst rúmlega tveim og hálfum tíma eftir að aðstoðarbeiðni barst og komu björgunarsveitir honum til byggða.
Umræða
