Á dögunum stóð Seðlabanki Íslands fyrir fjármálaeftirlitsdeginum. Dagurinn er vettvangur til að fjalla um ýmis áherslumál í fjármálaeftirliti en einnig er hann hugsaður sem samtalsvettvangur fyrir eftirlitsskylda aðila og starfsfólk Seðlabankans sem starfar við fjármálaeftirlit.
Viðburðurinn er liður í því að auka gagnsæi, upplýsingagjöf og fræðslu í fjármálaeftirliti og um leið að vera vettvangur til að hlusta eftir sjónarmiðum frá aðilum á markaði. Stefnt er að því að þessi viðburður verði árlegur og að hann verði framvegis haldinn að vori.
Meðal þess sem var fjallað um á deginum var sá árangur sem hefur náðst með breytingu á skipulagi fjármálaeftirlits eftir sameiningu við Seðlabankann, áherslur í fjármálaeftirliti og einföldun í eftirliti.
Í pallborði sátu þau Ásgeir Jónsson seðlabankastjóri, Björk Sigurgísladóttir varaseðlabankastjóri fjármálaeftirlits, Benedikt Gíslason, bankastjóri Arion banka, Jónína S. Lárusdóttir, framkvæmdastjóri innra markaðssviðs ESA og Þórður Pálsson, forstöðumaður fjárfestinga Sjóvár.
Auk þeirra tóku til máls eftirtaldir starfsmenn Seðlabankans: Guðrún Finnborg Þórðardóttir, verkefnastjóri í háttsemiseftirliti, Gísli Óttarsson framkvæmdastjóri varúðareftirlits, Linda Kolbrún Björgvinsdóttir framkvæmdastjóri háttsemiseftirlits, Kristín Logadóttir, forstöðumaður í varúðareftirliti, og Inga Dröfn Benediktsdóttir og Elísabet Júlíusdóttir, forstöðumenn í háttsemiseftirliti.
Fundarstjóri var Sigurður Guðni Valgeirsson.
Meðfylgjandi er efni sem tengist fundinum:
Glærur sem fundarmenn notuðu til kynningar á efni sínu: Fjármálaeftirlitsdagurinn 9. október 2025.
Ræða Bjarkar Sigurgísladóttur varaseðlabankastjóra fjármálaeftirlits.
Guðrún Finnborg Þórðardóttir, verkefnisstjóri á sviði háttsemiseftirlits Seðlabanka Íslands fjallaði um gullhúðun löggjafar á fjármálamarkaði, en hún og Þórdís Eva Steinsdóttir, lögfræðingur á sviði háttsemiseftirlits hjá Seðlabanka Íslands, rituðu nýlega grein um efnið sem birt er í vefritinu Kalkofninn á vef Seðlabankans.
Sjá hér:
Gullhúðun löggjafar á fjármálamarkaði
