,,Hvernig getur þetta fólk sofið á nóttunni?“

Jóhannes Stefánsson, fyrrverandi framkvæmdastjóri Samherja í Namibíu, nú þekktur sem uppljóstrari. Hefur staðfest að hann hafi með hundruða milljóna dala mútum til stjórnmálamanna og embættismanna í Namibíu. Náð aðgangi fyrir hönd Samherja að „gullnámu“ í Namibíu sem væri í formi fiskveiðikvóta.

Hann segir að stjórnarflokkurinn Swapo og samtökin (NFCPT) séu meðsek í mútumálinu. Austin Samupwa, framkvæmdastjóri Swapo, sagðist ekki hafa heyrt um þessar ásakanir. „Við þekkjum ekki einu sinni þetta fólk,“ sagði hann. Jóhannes Stefánsson áréttar hins vegar að NFCPT og Swapo hafi tekið við mútum.
Fyrrum ráðherrar ríkisstjórnarinnar, Sacky Shanghala og Bernhardt Esau, sögðu upp störfum í síðustu viku þegar hneykslismálið komst í hámæli. Samkvæmt gögnum hafa stjórnmálamenn og embættismenn í Namibíu tekið við mútum frá Samherja sem Jóhannes Stefánsson var fulltrúi fyrir í Namibíu. Meðal annars fyrrum sjávarútvegsráðherra Esau; Tamson ‘Fitty’ Hatuikulipi, sem starfaði sem ráðgjafi Samherja og er tengdasonur Esau; James Hatuikulipi, formaður ríkisfyrirtækisins Fishcor; og fyrrverandi dómsmálaráðherra Shanghala. Fimmti einstaklingurinn sem um er að ræða er Mike Nghipunya, forstjóri Fishcor.

Jóhannes Stefánsson segir að það væri vegna eigin samvisku sem hann hafi stigið fram og lagt spilin á borðið: „Ég er enginn dýrlingur en ég myndi ekki svíkja fólk, heila þjóð á þennan hátt“ sagði hann. Jóhannes sagðist vona að Namibíumenn myndu í framtíðinni hagnast á auðlindum lands síns í stað lands á vesturlöndum og fáeinna spilltra manna sem hafi horft upp á þjóð sína þjást.
Jóhannes Stefánsson segist hafa komið til Namibíu árið 2011, gagngert til að komast í návígi við stjórnmálamenn sem tengdust sjávarútvegi landsins. „Þetta er glæpsamlegt athæfi. Þetta er skipulögð glæpastarfsemi. Þeir njóta góðs af auðlindum landsins og taka alla peningana úr landinu til að fjárfesta annars staðar, í Evrópu eða Bandaríkjunum,“ segir Jóhannes.
Hann sagðist hafa talið í upphafi að Samherji ætlaði að búa til stórt verkefni á land í Namibíu sem myndi skapa störf í fiski.
„Þetta var bara sagt til að blekkja fólk og þegar fram hafa liðið stundir, hef ég gert mér grein fyrir þeirri spillingu sem ég tók þátt í. Vestrænt ríki var að ræna auðlindum í samráði við spillta stjórnmálamenn þar í landi. Landi þar sem 40% íbúanna búa í kofum og milljónir manna hafa takmarkaðan aðgang að vatni. Aðgangur að menntun er vandamál og 44% atvinnuleysi er meðal unga fólksins. Ég varð að spyrja mig: Hvernig getur þetta fólk sofið á nóttunni?“ Ég skil það ekki, sagði Jóhannes Stefánsson.
Viðurkennir að hafa brotið lög fyrir hönd Samherja meðan hann var í Namibíu

„Ég var maðurinn sem fékk kvóta og tengingar, samkvæmt fyrirmælum yfirmanna minna.“ „Mútur voru Samherja engin hindrun,“ bætti Jóhannes við.
Aðspurður hvort „kvótagjald“ hafi verið greitt til Swapo, svaraði Jóhannes: „Já og við nefndum það greiðslu fyrir viðskiptavild. Mútugreiðslur og fyrirgreiðslur eru jú ólöglegar.“ Að hans sögn greiddu þeir á einum tímapunkti greiðslu fyrir aðgang að kvóta til NFCPT til að tryggja að þeir fengju örugglega fiskveiðikvótann. ,,Sum þessara viðskipta voru dulbúin sem einhver gjöld eða jafnvel leigusamningar í bókum fyrirtækisins.“
Victor Pea, forstjóri NFCPT, sagðist ekki geta tjáð sig um málið vegna þess að hann hafi ekki orðið aðili að sjóðnum fyrr en eftir árið 2012.
Moses Maurihungirire, framkvæmdastjóri sjávarútvegsráðuneytisins, sagði að það væri undir starfandi ráðherra, Albert Kawana, að ákveða úthlutun veiðiheimilda. Maurihungirire var spurður hvort ráðuneyti hans yrði gert að fara aftur að borðinu og breyta öllu ferli við úthlutun veiðiheimilda, eða hvort halda ætti áfram með úthlutunarferlið eins og því hafi verið háttað?
,,Ráðuneytið tilkynnti í fyrra að því hefði borist yfir 5.000 umsóknir um afnot af fiskveiðiauðlind Namibíu. Við erum með verklagsreglur sem við verðum að fylgja. Við getum ekki samþykkt umsóknir samkvæmt tilfinningum, heldur samkvæmt lögum landsins. Við erum lýðræðislegt land með stjórnarskrá sem þarf að virða, sérstaklega varðandi málefni sem hafa áhrif á mannréttindi. M  annréttindamál eru hluti af 3. kafla, sem er verndaður kafli stjórnarskrár okkar. Svo það er erfitt fyrir mig að segja til um hvernig málin þróast. En ég er hér til að beita lögum lands okkar.“
,,Lögin munu svo hafa sinn gang; þeir sem eru sekir munu verða úrskurðaðir sekir og þeir sem eru ekki sekir, saklausir,“sagði Kawana.
„Það sem ég get fullvissað þjóðina um er að allt verður gert í samræmi við bókstafinn og í anda laga lýðveldisins. Sumar ákvarðanir eru ekki aðeins teknar af dómsmálaráðherra eða starfandi sjávarútvegsráðherra, heldur af ýmsum stofnunum.“ – Hægt er að lesa um málið í the namibiansun.com
https://gamli.frettatiminn.is/2019/11/19/vill-lata-innkalla-kvotann/