Hugleiðingar veðurfræðings
Það verður ríkjandi suðaustlæg átt og milt næstu daga með vætu einkum suðaustantil, en þurrt að kalla fyrir norðan. Yfirleitt kaldi eða strekkingur og lengst af hvassast við suðvesturströndina.
Suðvestlæg átt með rigningu eða slyddu og kólnar um tíma á Þorláksmessu, en síðan er útlit fyrir stífa sunnanátt með talsverðri rigningu á aðfangadag jóla, en úrkomuminna norðaustantil.
Líklega veður áfram vætusamt sunnanlands á jóladag, en úrkomuminna fyrir norðan. Kólnar smám saman. Spá gerð: 20.12.2025 06:54. Gildir til: 21.12.2025 00:00.
Veðurhorfur á landinu
Suðaustan 10-18 m/s sunnantil, annars hægari vindur. Dálítil væta með köflum, en samfelld úrkoma á Suðausturlandi og Austfjörðum. Hiti 2 til 10 stig. Dregur úr vindi seinnipartinn.
Suðaustan 5-13 á morgun og dálitlar skúrir, en bjartviðri á Norðurlandi. Áfram milt.
Spá gerð: 20.12.2025 08:03. Gildir til: 22.12.2025 00:00.
Veðurhorfur á landinu næstu daga
Á mánudag:
Suðaustan 8-15 m/s, en 13-18 suðvestantil fram eftir degi. Skúrir, og síðar rigning á Austfjörðum, en þurrt að mestu á Norðurlandi. Hiti 2 til 9 stig.
Á þriðjudag (Þorláksmessa):
Suðvestlæg eða breytileg átt 5-13 og slydda eða rigning með köflum, en úrkomuminna eftir hádegi. Hiti um eða yfir frostmarki. Vaxandi sunnanátt um kvöldið og hlýnar með rigningu eða súld sunnan- og vestanlands.
Á miðvikudag (aðfangadagur jóla):
Sunnan og suðvestan hvassviðri eða stormur og rigning, en úrkomulítið um landið norðaustanvert. Hlýtt í veðri.
Á fimmtudag (jóladagur):
Minnkandi suðvestanátt og rigning með köflum, en kólnar með slyddu vestanlands.
Á föstudag (annar í jólum):
Vestan- og norðvestanátt og dálítil él, en snjókoma eða slydda um landið austanvert fram eftir degi. Hiti um eða undir frostmarki. Spá gerð: 20.12.2025 08:39. Gildir til: 27.12.2025 12:00.
