Rússneska leyniþjónustan mjög léleg og Pútín fær algera falleinkun fyrir að hafa vanmetið alla þætti varðandi innrásina í Úkraínu
Einangrun rússneska forsetans hefur gert það að verkum að Vesturlönd eiga mjög erfitt með að spá fyrir um næstu skref hans, segja yfirmenn leyniþjónustunnar CIA í samtali við BBC. ,,Pútín er einn um að taka ákvarðanir í Moskvu.“ Segir John Sipher, fyrrverandi yfirmaður aðgerða CIA í Rússlandi. Hópurinn sem samanstendur af trúnaðarmönnum Pútíns hefur aldrei verið stór en ákvörðunin um að ráðast inn í Úkraínu var tekin í samráði við aðeins örfáa menn, að sögn fréttastöðvarinnar.
Pútín umkringdur jámönnum
,,Í jafn vel vernduðu kerfi og Rússlandi er, þá er ákaflega erfitt að hafa góða upplýsingar um hvað er að gerast inni í höfði leiðtogans, sérstaklega þegar svo margir af hans eigin fólki vita ekki hvað er að gerast,“ segir John Sawers, fyrrverandi yfirmaður Breska MI6. Auk þess að þetta er lítill hópur, er talið að Pútín hafi fjarlægt fólkið í kringum sig sem þorir að véfengja eða efast um skoðanir hans. Með öðrum orðum, hann umkringir sig eingöngu fólki sem staðfestir það sem hann segir og samþykkir hans hugmyndir. Það er aðal ástæðan fyrir því að þetta hefur gengið eins og það hefur gert hjá Rússum í Úkraínu.
Pútín algjörlega vanmetið verkefnið
,,Pútín hefur algjörlega vanmetið verkefnið því enginn hefur gefið honum raunverulega mynd af því hvernig heimurinn lítur út og að Úkraína hafi þróast,“ segir Jacob Kaarsbo, fyrrverandi yfirsérfræðingur hjá leyniþjónustu hersins í Danmörku við danska sjónvarpsstöðina 2.
Eftir að Rússar réðust inn í Úkraínu niðurlægði Pútín sinn eigin leyniþjónustustjóra á fundi öryggisráðsins. Áætlun Pútíns um hernaðaraðgerðirnar í Úkraínu var einnig skipulögð með áherslu á að halda henni leyndri fyrir sem flestum. Niðurstaðan var ringulreið, samkvæmt heimildum BBC. Forysta rússneska hersins var ekki tilbúin og sumir hermenn fóru yfir landamærin til Úkraínu án þess að vita hvað þeir voru að gera, skrifar BBC.
Illdeilur og sundrung í kringum Pútín
Það er innri ólga í ríkisstjórn Pútíns, að sögn The Wall Street Journal. Háttsettur embættismaður í rússnesku alríkisöryggisþjónustunni (FSB) leyniþjónustunni hefur verið handtekinn og Vladimír Pútín forseti er bálreiður vegna misheppnaðrar innrásar í Úkraínu. Bandarískur embættismaður sagði við blaðið að rússneski yfirmaðurinn, Sergei Beseda hershöfðingi, væri ábyrgur fyrir aðgerðum FSB í Úkraínu. Hann segir einnig að illdeilur hafi brotist út á milli FSB og rússneska varnarmálaráðuneytisins, sem eru mikilvægustu ríkisstofnanirnar sem koma að skipulagningu innrásarinnar.
Allt að fimm rússneskir hershöfðingjar hafa fallið í átökunum sem eru mjög slæmar fréttir fyrir embættismenn Pútíns. „Þegar það kemur að þessum gaur, þá er ljóst að þá viðkvæði hans að „einhver annar hafi rangt fyrir sér og þurfi að borga fyrir það,“ sagði Jeffrey Edmonds, fyrrverandi embættismaður CIA og þjóðaröryggisráðsins, við Journal. Embættismaður FSB hefur verið handtekinn, að sögn New York Times, sem vísar til rússneskra fréttaheimilda.
Pútín hefur gert afdrifarík mistök
Það er augljóst að innrás Rússa í Úkraínu hefur ekki gengið eins og þeir reiknuðu með og er fjarri því að vera eins auðveld og þeir virtust ganga út frá. Höfuðborgin Kyiv hefur verið óvinnandi vígi og Vladímír Pútín, Rússlandsforseti á mestu sökina á hversu illa hernaður Rússa hefur gengið að mati hernaðarsérfræðings en hann segir að Pútín hafi gert afdrifarík mistök. Ekstra Bladet fékk Anders Puck Nielsen, hernaðarsérfræðing við danska varnarmálaskólann, til að benda á helstu og stærstu mistök Pútín vegna árásarinnar. Hann benti á að leyniþjónustan hefði verið mjög léleg og hún fær algera falleinkun fyrir að hafa vanmetið allt er varðaði stríðið og áhrif þess sem og baráttugetu Úkraínu ofl.
Rússar algerlega óundirbúnir og rússneskir hermenn höfðu enga hugmynd
Rússar fóru algerlega óundirbúnir í þetta stríð og rússneskir hermenn höfðu ekki minnstu hugmynd um að þeir ættu að ráðast inn í Úkraínu. „Margt bendir til að aðgerðin hafi verið það leynileg að þeir hafi ekki haft neina hugmynd um að það ætti að gera innrás.“ Þá sagði hann að það væri búið að vera endalaust klúður innan hersins frá fyrsta degi og t.d. hafi ekki tekist að tryggja flutninga á nauðsynlegustu birgðum til hersins. Það hafi jafnvel komið upp á að brynvarin ökutæki urðu bensínlaus því ekki hafi tekist að útvega eldsneyti, skotfæri né mat til fremstu hersveitanna og þetta sé vandamál sem Rússar glími ennþá m.a. vegna þess að Úkraínumönnum hafi tekist vel með að ráðast á birgðalestir.
