Eflaust hefur hátíðin á Þingvöllum sem að nú er ný yfirstaðin, átt að vera falleg og flott út á við og engu var til sparað. Um hundrað milljónum var varið í veisluna, sem er um helmingi meira en ljósmæðrum var boðið. Þá eru ótalin laun þeirra sem að mættu og voru á ofurlaunum með “ofur-stórhátíðarálagi“ auk allra hugsanlegra fríðinda (sem að ljósmæður gætu ekki einu sinni látið sig dreyma um í sínum viltustu draumum).
En þar voru m.a. allir alþingismenn, ráðherrar og aðrir mættir í sínu fínasta pússi sem að var boðið til þessarar samkomu auk annara sem tilheyra sömu elítu og auðvitað á ofurlaunum, allt skipulagt af þeim sjálfum, nóta bene.
Það eina sem hefur verið fjallað um eftir samkomuna, eftir að hún fór fram, er að ríkisstjórnin hafi boðið sem hátíðargest samkomunnar, einum frægasta kynþáttahatara norðurlanda og þó víðar væri leitað. Rasisti var heiðursgestur ríkisstjórnarinnar í umboði Alþingis Íslands á 100 ára þjóðveldisafmælinu. Rasisti, – já rasisti!
M.a. voru ummæli sem þessi á facebook eftir þetta kúnstuga og algerlega misheppnaða show:
,,Almannagjá sem er á Þingvöllum og liggur nokkurn veginn miðja vegu milli þings og þjóðar.
Og …… Var engum frá Ku-klux-klan boðið að ávarpa Alþingi í dag?
,,Nei, en Netanjahu var boðið. Hann afþakkaði pent því hann var svo upptekinn við að sprengja Palestínu í tætlur.“
,,Rudolf Hess flýgur til landsins á morgunn,með ræðu í Valhöll. Fundarstjóri verður Steingrímur joð. Einnig mun Katrín Jakobssen singja óð eftir Vagner.“
,,Verst að Hitler er dauður hann hefði verið staðarprýði á Þingvöllum og verið meðal jafninga.“ ,,Ef Alþingi vill halda rasistahátíð á Þingvöllum þá væri hægt að bjóða gestum sem meira fútt er í en þessari leiðindapíu. Og svo hefði verið hægt að baða allt liðið í Drekkingarhyl. Það vantar greinilega skemmtanastjóra þarna á Alþingi.“
Netið logaði hreinlega eftir þennan skrípagang vitleysinga sem að 71% þjóðarinnar vantreystir, já 71% þjóðarinnar treystir ekki Alþingi íslendinga. Er einhver hissa? Bófar og ræningjar, stjórna eyjunni! Ræningjaeyja!
Forsetinn nældi svo stórriddarakrossi hinnar gjaldföllnu fálkaorðu í rasistann en sendi svo frá sér í dag eftiráskýringu og afsökun á verknaðnum. Svona eins og allt hefði verið gert í ölæði í veislunni. (Sama embættið og borgaði undir forsetafrúnna á HM í Rússlandi sem að hún mátti ekki mæta á vegna mótmæla íslendinga á stjórnarfariði í Rússlandi. M.a.s. forsetaembættið dansar á grá- svörtu línunni, vitandi að við kjósendur erum fífl.)
Sem var jafn trúverðugt og þegar að Steingrímur Joð sagði að rasistinn hefði aldrei komið til landsins, hefði bara hvergi sést á Þingvöllum og að enginn kannaðist við rasistann, en hinsvegar hafi forseti danska þingsins mætt. En enginn rasisti. Í kjölfarið fylltist pósthólfið á Bessastöðum af fálkaorðum frá fólki sem að var nóg boðið og hafði ekki list á að deila heiðursorðum hins virðulega embættis, með rasista.
Það er að vísu ekki úr takti, því Sjálfstæðisflokkurinn, eða “Sjálftökuflokkurinn“ eins og hann er nefndur manna á milli, er jú eins og allir vita sem að að hafa lært sögu, stofnaður sem rasista flokkur.
Stofnendurnir voru fasistar, Hitlers menn og svo þekkjum við sögu flokksins upp frá því og til dagsins í dag og dagsins í s.l. viku þegar að þeir bugtuðu sig og beygðu fyrir rasistanum sem að þeir buðu sem sérstakan heiðursgest sinn í 100 ára afmæli Íslands.
Er hægt að leggjast lægra? Er hægt að gera þjóðina meira að fífli gagnvart upplýstum heimi? Er hægt að valda íslendingum og sögu Íslands meiri skaða?
Þeir geta unnið sín illvirki á eyjunni í skjóli einangrunnar sem að þeir berjast fyrir með því að einangra þjóðina og berjast gegn t.d. ESB og öðru. Til þess að geta haldið áfram að arðræna þjóðina, rænt auðlindum þjóðarinnar eins og þeir hafa gert frá landnámi og nú sem aldrei fyrr.
Eins og ofbelismenn gera gangvart eiginkonum sínum, einangra þeir þjóðina svo að hægt sé að kúga hana með verðtryggingu og ónýtri krónu. Gera skrílinn að bankaþrælum, borga þrefalt fyrir húsnæðið sitt, og bíla og allt. Eignarupptaka á 10 ára fresti með verðbólgu a.m.k eins og við þekkjum sem erum eldri en unglingarnir sem að nú er verið að plata til að taka lán. Ein ný kynslóð banka og verðtryggingaþræla, börnin okkar.
Svo kjósa vanvitar þetta skrímsli aftur og aftur en illu heilli, þá er VG ekkert betri, jafnvel verri, fólk hafði trú og traust á því apparati – En það er löngu horfið. Farið og kemur aldrei aftur. Aldrei.
Allir fjölmiðlar á Íslandi hafa keppst við að lýsa klúðri ríkisstjórnarinnar, Fréttatíminn hefur nánast setið hjá, enda litlu við að bæta varðandi mesta klúður íslandssögunnar á 100 ára afmælinu. Í sögubókum framtíðarinnar, verður þessa pakks alls getið sem klúður meistara Íslands. Þjóð sinni og fána til skammar…. að vanda. Til skammar.
Það er hlegið að íslendingum um allan heim í boði elítunnar sem að sat og skipulagði þetta rugl allt saman. Að sjáfsögðu hefur engin af þeim lýst ábyrgð á hendur sér en afsakanir og útúrsnúningar hafa að vanda komið frá grúbbunni. Enda stendur hún jafn þétt um að hylma yfir alla skandala á hverjum tíma, eins og þau standa þétt saman á myndinnni hér að neðan. “Same old.. eins og unglingarnir orða það.
Læt hér góða lýsingu af vefsíðunni Skandall.is fylgja með, hefði ekki getað orðað þetta penna en þar er gert:
,,Panamadrengir, biskup í vandræðum, ráðherra með lögbrot í farteskinu, styrkjaþegar, kúlulánsfólk, vafningsdrengir, yfirhylmingaskýrslulið, aksturspeningameistari, kennitöluflakkarar.
Hvernig í ósköpunum er hægt að bera virðingu fyrir svona fólki sem situr á helgasta stað þjóðarinnar alveg rasandi hissa á því að ekki skuli fleiri hafi mætt til að glápa á herlegheitin á miðjum vinnudegi venjulegs Íslendings?
Er fólk eitthvað hissa á því að almannagjá skilgreini orðið , milli þjóðar og þings?
Þetta er sorgardagur þar sem fólki sem er löngu búið að tapa trausti og virðingu þjóðarinnar tókst að eyðileggja algjörlega.
Dagur sem hefði verið hægt að gera skemmtilegan á svo margan hátt.
Sjálfstæði þjóðarinnar opinberaðist í dag. Það er ekkert.
Það eru þau og svo aftur þau.
Og enn og aftur þau.
Þjóðin hinsvegar var afgirt langt utan við „hátíðarsvæðið“ og sérsveitin sást voma út um móa og mýrar, alvopnuð og tilbúin að aflífa hvert það kvikindi sem vogaði sér að trufla athöfn elítunar.
Þetta var svolítið fyrirsjáanlega vandræðalegt þarna á Þingvöllum í gær.
Einmana þing í landi án þjóðar, að klappa sér og mökum sínum á bakið. Eins og athöfn frá allt öðrum tíma, í boði ráðalausrar ríkisstjórnar sem heldur áfram seinheppni sinni og furðugangi, og virðist í engum takti við þjóðlífið.
Þetta væri eins og að halda upp á stórafmæli ömmu sinnar, bjóða henni EKKI, en senda henni svo reikning upp á 80 milljónir fyrir veisluhaldið.
Siðleysi ráðamanna þjóðarinnar náði nýjum toppi í dag.“
Frekar er dregið úr en annað á þessari virtu síðu en látum þetta verða lokaorðin.
Kveðja, Jón Guðmundsson, frkv.stjóri
https://gamli.frettatiminn.is/2018/07/20/71-thjodarinnar-treystir-ekki-loggjafarthinginu/
100 ára afmælið á Þingvöllum – ,,Siðblindingjar eyðilögðu daginn eins og við var að búast''
Umræða
