Rannsókn tæknideildar lögreglu á eldsupptökum á Hvaleyrarbraut 22 í Hafnarfirði í gær stendur yfir. Málið er ekki rannsakað sem sakamál, en það var niðurstaðan að lokinni frumathugun á vettvangi að sögn lögreglunnar.
Íbúar í húsnæðinu voru þrettán talsins eftir því sem næst verður komist, en þeir náðu allir að forða sér út. Ekki er hægt að veita frekari upplýsingar að svo stöddu.
Slökkvilið höfuðborgarsvæðisins bs.
Síðan í gær hafa verið 97 verkefni á sjúkrabílana og 7 útköll á dælubílana, þar af stór eldur við Hvaleyrarbraut í Hafnarfirði. Það hefur því verið mikið að gera hjá öllu okkar fólki og mikið reynt á.
Allir starfsmenn sem ekki voru á vaktinni voru kallaðir út vegna brunans til að tryggja að vinna þar gangi sem best og að mannskapur sé til staðar til að sinna öðrum verkefnum.
Hópur starfsmanna sinnti stuðningi við vettvang, það þurfti t.d. að fylla á og þrífa loftkúta og reykköfunartæki og ferja svo jafnóðum á vettvang ásamt því skaffa mat til starfsmanna á eldstað.
Umræða
