Mikill var að gera hjá lögreglu í gærkvöldi og nótt, 156 mál voru skráð hjá lögreglu frá klukkan 17:00-05:00 og eru allir fangaklefar fullir eftir nóttina. Hér eru nokkur þeirra mála sem komu inn á borð lögreglu á fyrr greindum tíma.
Lögreglustöð 1
Peruölvaður ökumaður olli umferðaróhappi í hverfi 108 þar sem hann ók bifreið sinni á aðra bifreið, ökumaðurinn reyndist einnig án ökuréttinda og var vistaður í fangaklefa. Engin slys á fólki.
Aðili handtekin í hverfi 101 vegna þjófnaðar einnig reyndist viðkomandi eftirlýstur og var vistaður í fangaklefa.
Ökumaður í annarlegu ástandi ók á umferðarljós og steyptan staur í hverfi 101. Ökumaður slasaður eftir og var fluttur á bráðamóttöku
Ölvaður ökumaður handtekinn og vistaður í fangaklefa eftir eftirför þar sem hann er grunaður um hin ýmsu brot.
Tveir aðilar handteknir í hverfi 101 vegna húsbrots, um ítrekuð afskipti lögreglu af mönnunum að ræða og voru þeir vistaðir í fangaklefa.
Afskipt höfð af ungum einstakling sem var til mikilla vandræða í hverfi 104. Ungmennið í annarlegu ástandi, gaf upp rangt nafn, réðst að lögreglu og reyndi að hrækja á lögreglumenn. Málið afgreitt með aðkomu foreldra.
Tilkynnt um meðvitundarlausan aðila í hverfi 101 sem lá utandyra, í ljós kom að um ofurölvun var að ræða og var viðkomandi fluttur á bráðamóttöku með sjúkrabifreið.
Ölvaður ökumaður handtekinn eftir að hafa orðið valdur af umferðaróhappi í hverfi 101. Aðilinn vistaður í fangaklefa.
Ölvaður ökumaður velti bifreið sinni í hverfi 104, slysalaust og var maðurinn handtekinn og vistaður í fangaklefa.
Tveir aðilar handteknir eftir að hafa ekið á lögreglubifreið og reynt að skipta um sæti til að villa fyrir lögreglu. Aðilarnir undir áhrifum og voru vistaðir í fangaklefa.
Aðili vistaður í fangaklefa til að tryggja návist og öryggi þar sem hann var ofurölvi og gat litla sem enga björg sér veitt sökum ölvunarástands.
Lögreglustöð 2
Aðili handtekinn í hverfi 221 eftir líkamsárás, aðilinn vistaður í fangaklefa.
Innbrot í verslun í hverfi 220, gerendur farnir af vettvangi þegar lögregla kom á staðinn.
Lögreglustöð 3
Tilkynnt um aðila utandyra sem var vopnaður sveðju í hverfi 200, aðilinn fannst ekki
Lögreglustöð 4
Aðili handtekinn og vistaður í fangaklefa vegna eignarspjalla í hverfi 112.
