,,Ég er farinn að sjá auglýsingar fyrir flokkinn um allt land“
,,Haft eftir oddvitaefni XD á Suðurlandi: „Ég verð samt að segja að ef hann fer að ganga um í Kjörísbol eða stilla upp merki flokks síns við hliðina á okkar merki að það þætti mér ekki í lagi.“ – Hrikalegt alveg, maður er bara alveg niðurbrotinn, nú get ég ekki notað Kjörís bolinn minn, snökt, snökt…“ Segir Guðmundur Franklín Jónsson um viðtalið við Vísi í dag um markaðssetninguna á XO ís sem Kjörís hamast við að markaðssetja um allt land.
,,Foringi Frjálslynda lýðræðisflokksins telur „XOXO“ í auglýsingu Kjöríss minna rækilega á flokkinn sem hefur listabókstafinn O. Guðrún Hafsteinsdóttir hjá Kjörís, sem ætlar sér efsta sæti á lista Sjálfstæðisflokksins segist fagna væntanlegum viðskiptum frá Guðmundi Franklín.
„Ég bara vona að markaðsstjóri Kjöríss sendi mér ekki reikninginn. Því ég er farinn að sjá auglýsingar fyrir flokkinn um allt land. Kann henni bestu þakkir fyrir þetta og vona að fólk kunni að meta þennan ís, að hann sé bragðgóður,“ segir Guðmundur Franklín í samtali við Vísi í dag.
Ísinn sem allir íslendingar elska
Ísinn, sem ber nafnið „Xoxo“, sem er táknmynd fyrir kossa og knús, byrjaði í dreifingu nýlega og inniheldur að sögn Guðrúnar „allt sem íslendingar elska“ „Hann er svolítið saltur. Í honum er mjúkur Sambó-lakkrís með mjúkri Sambó-lakkrísfyllingu og svo er saltlakkrísdýfa líka, bæði að ofan og neðan,“ útskýrði Guðrún fyrir mbl á dögunum er hún var að kynna þennan eðal ís.
Telur ísauglýsinguna nýtast flokknum sínum vel
Guðmundur telur heldur betur hafa hlaupið á snærið hjá sér og Frjálslynda lýðræðisflokknum sem hann stofnaði og ætlar fram með í komandi Alþingiskosningum en áletrunin við mynd af nýjum toppís frá Kjörís; XOXO segir hann minna kjósendur rækilega á að kjósa flokkinn. O er er listabókstafur Frjálslynda lýðræðisflokksins. En vert er að geta þess að þarna er um að ræða vísun í þekkta kveðju í skilaboðum og bréfum sem standa fyrir kossa og knús.
„Hún má búast við miklum viðskiptum frá öllum mínum flokksmönnum og velunnurum sem þykir ís góður,“ segir Guðmundur Franklín og skríkir af kátínu.
Posted by Guðmundur Franklín on Monday, 22 March 2021
Discussion about this post