Mikil umferð var um löggæslusvæði lögreglunnar á Norðurlandi vestra um liðna páska. Skiptu bifreiðarnar þúsundum, suma dagana.
Heilt yfir gekk umferðin vel og nánast óhappalaus. Tvö minniháttar umferðaróhöpp urðu án meiðsla. Hins vegar verður ekki hið sama sagt um umferðar hraðann en hann var allt of hár, Hátt á fjórða hundrað ökumenn voru kærðir vegna umferðarlagabrota og aðallega vegna hraðaksturs.
Er þetta mikil aukning milli ára þegar að 250 ökumenn voru kærðir 2018. Þessi málaflokkur er ofarlega í huga embættis lögreglustjórans á Norðurlandi vestra og verður áfram unnið ötullega í því að ná umferðarhraða niður og með því fækka umferðarslysum sem að leiða má líkum að tengist honum.
Umræða
