Þjófur handtekinn en hann átti að vera í sóttkví
Talsvert var um hávaðaútköll og mikil ölvun var í nótt. Hér að neðan eru þau helstu mál sem komu inn á borð lögreglu.
Lögregla hafði eftirlit með sóttvörnum á samkomustöðum í miðbæ Reykjavíkur að kvöldi laugardags. Þá vitjaði lögregla alls þrettán staða, en þar af voru átta staðir til fyrirmyndar. Meðal þessara voru tveir tónlistarviðburðir og fóru þeir hvor um sig vel fram. Starfsmönnum þriggja samkomustaða var gert að gera úrbætur á borðaskipan, þar sem tveggja metra reglan var ekki virt. Á tveimur stöðum til viðbótar voru aðstæður með öllu óviðunandi m.t.t. sóttvarna. Of margir voru á stöðunum tveimur og ekki unnt að tryggja tveggja metra reglu. Starfsmönnum var gert að gera víðtækar ráðstafanir vegna þessa tafarlaust; fækka gestum og dreifa þeim betur um svæðið. Skýrslur verða ritaðar á brotin. Þá var einum samkomustað lokað, en sá var með útrunnið rekstrarleyfi.
Tveir aðilar handteknir í Austurbænum þar sem þeir voru að brjótast inn í bifreiðar og voru þeir vistaðir í fangaklefa. Þá var maður handtekinn í miðborginni vegna líkamsárásar og heimilisofbeldis, maðurinn var vistaður í fangaklefa.
Þrír aðilar handteknir eftir að hafa brotist inn í fyrirtæki, í ljós kom að einn mannanna átti að vera í sóttkví og verður hann einnig kærður fyrir brot á sóttvarnalögum. Þá var maður handtekinn vegna líkamsárásar og heimilisofbeldis, einnig fundust fíkniefni á viðkomandi, og var hann vistaður í fangaklefa.
Maður var handtekinn í Vallarhverfinu í Hafnarfirði vegna líkamsárásar og heimilisofbeldis og var hann vistaður í fangaklefa og bíður skýrslutöku
Í vandræðum á hjólabát út á Elliðavatni
Fjórar ungar stúlkur lentu í vandræðum á hjólabát út á Elliðavatni, þær náðu að kalla eftir aðstoð og voru þær aðstoðaðar í land, varð þeim ekki meint af bátsferðinni.
Ráðist var á mann í Kópavogir og reynt að hrifsa af honum peninga sem hann hafði nýlega tekið út úr hraðbanka, maðurinn náði að verjast því að árásaaðilar næðu af honum peningunum en varð fyrir líkamsárás þar sem meðal annars var sparkað i hann. Gerandi sem hafði sig mest fram í málinu komst á brott en var handtekinn seinna um nóttina vegna annarrar líkamsárásar og var vistaður í fangaklefa vegna málanna.
