Samtökin um karlaathvarf fara hörðum orðum um Heiðu Björgu Hilmarsdóttur í grein á vef sínum og saka hana um níðingsskap gagnvart karlmönnum og að hún hafi verið í lokuðum leynihópi öfgafeminsta á netinu þar sem feður voru nafngreindir og birtar af þeim myndir. Á þessum lokaða vef segja samtökin að hún hafi m.a. lækað við færsu sem bar yfirskriftina „rústum þessum gaurum“
Fréttin var birt í gær og hefur vakið ótrúleg viðbrögð í samfélaginu og fólk hefur m.a. spurt; ,,Hvað ef borgarstjórinn væri karl sem hefði beitt eineltisofbeldi gagnvart konum? – Þá hafa Samtök um karlaathvarf birt fréttina á vef sínum og árétta fyrri ásakanir á hendur Heiðu Björgu:
,,Fréttatíminn fjallar um það þegar núverandi borgarstjóri tók þátt í skipulögðum árásum á feður í viðkvæmri stöðu. En samfélagið kóar með svona eineltisofbeldi, en við gleymum ekki … og það kemur einhvern daginn að uppgjöri og þetta fólk sem níðist á feðrum sem berjast fyrir réttindum barna sinna, er hið raunverulega ofbeldisfólk – en ræðst svo á þolendur.
Baráttan heldur áfram og við skulum vekja athygli á þessu sem víðast.“ Segir á vef samtakanna.
,,Árið 2018 veittist Heiða Björg að feðrum sem standa halloka í forsjármálum og dylgjaði um hóp sem þeir höfðu sett á laggirnar (#DaddyToo). Í útvarpsviðtali sagði hún ofbeldismenn innan hópsins, án þess að tilgreina nánar, og varpaði þannig skugga á stóran hóp karlmanna án þess að hafa neitt fyrir sér um slíkar ásakanir. Í stað þess að hrósa verðugri baráttu réðst hún að hópnum.
Heiða Björg lét sér svo líka við færslu þar sem var skrifað í lokuðum hópi að „rústa þessum gaurum“ og höfðu þá nokkrir karlmenn verið mynd- og nafnbirtir inni á þessum hópi. Ritstjóri Stundarinnar/Heimildarinnar, Ingibjörg Dögg, tók þátt og gaf þessum eineltishópi orðið.
Vanvirðingin gagnvart feðrum sem standa í forsjármálum, að dylgja um þá, af stjórnmálakonu er hluti af stórum vanda á Íslandi. Opinbert níð og eineltisofbeldi gagnvart karlmönnum er góðkennt og Heiða var síðar verðlaunuð og gegnir nú starfi borgarstjóra Reykjavíkur. Það er eins og samfélagið verðlauni fólk sem veitist að karlmönnum.
Forréttindafeminismi.com – Femínistaskjölin
Fleiri konur tóku þátt í þessu skipulagða níði gegn hópi sem stendur mjög höllum fæti í samfélaginu. Sjá hér umfjöllun um gagnaleka sem hefur verið nefndur „femínistaskjölin“: https://forrettindafeminismi.com/…/05/22/feministaskjolin/
Æra margra manna var gerð að engu og líf þeirra eyðilagt, og borgarstjóri var hluti af þessum hópi og hvatti áfram, og tók beint þátt í dylgjunum. Ekki beint geðslegt. Hvenær ætlar íslenskt samfélag að hætta að samþykkja svona ofbeldishegðun og hætta að verðlauna hana?
Hér má sjá tilraunir Heiðu til að segja ósatt að fjölmiðlum, rétt eins og hún neitaði að taka ábyrgð á gjörðum sínum á þeim tíma.“ Segir á vef samtakanna.
