Manni kastað fram af svöl­um

Manni var kastað fram af svöl­um á Norður­landi eystra um helg­ina. Lög­regl­an á Norður­landi eystra grein­ir frá þessu í færslu á sam­fé­lags­miðlum.

Í færsl­unni seg­ir lög­regl­an að of­beld­is­hegðun í sam­fé­lag­inu hafi auk­ist tölu­vert und­an­far­in miss­eri og kveðst hún hafa mikl­ar áhyggj­ur af því. Í fram­hald­inu seg­ir hún frá nokkr­um verk­efn­um lög­regl­unn­ar í síðustu viku.

„Í öðru máli var ekið á mann af ásetn­ingi þar sem hann var gang­andi á göngu­stíg. Í allt öðru máli var öku­manni veitt eft­ir­för og við fyr­ir­hugaða hand­töku ók sak­born­ing­ur fyr­ir­vara­laust á lög­reglu­bíl og voru tveir lög­reglu­menn í mik­illi hættu sem stóðu við bíl­inn.

Á föstu­dag ógnaði maður lög­reglu­manni með hnífi við hand­töku í miklu ná­vígi svo ekki mátti muna miklu að illa færi. Lög­regla hef­ur hald­lagt mikið af fíkni­efn­um und­an­farið og rann­sókn­ir eru í gangi er lúta að skipu­lagðri brot­a­starf­semi. Þá eru ótal­in heim­il­isof­beld­is­mál, lík­ams­árás­ir og kyn­ferðis­brot sem eru því miður veru­leiki,“ seg­ir lög­regl­an á Norður­landi eystra í færslu sinni.