Hugleiðingar veðurfræðings
Úrkomusvæði gengur norðaustur yfir landið í dag. Því fylgir austan- og suðaustanátt, vindur yfirleitt á bilinu 5-15 m/s, hvassast við suðvesturströndina. Sunnantil á landinu verður úrkoman ýmist rigning, slydda eða snjókoma og hiti 0 til 6 stig. Norðan- og austanlands verður hins vegar þurrt framan af degi og vægt frost, en seinnipartinn má búast við snjókomu með köflum á þeim slóðum. Í kvöld verður vindur suðlægari og það hlánar um landið vestanvert.
Suðvestan kaldi eða stinningskaldi á morgun og dálitlar skúrir eða slydduél, en lengst af þurrt á Norðaustur- og Austurlandi. Dregur úr vindi síðdegis. Hiti 2 til 8 stig.
Á miðvikudag nálgast næsta lægð með austlægri átt og rigningu eða slyddu víða um land. Síðdegis er lægðarmiðjunni spáð yfir landinu, útlitið er því nokkuð óljóst, en samkvæmt nýjustu spám hvessir og fer að snjóa við norðurströndina og á Vestfjörðum. Spá gerð: 24.03.2025 06:36. Gildir til: 25.03.2025 00:00.
Veðurhorfur á landinu
Austlæg átt 5-15 m/s, hvassast við suðvesturströndina. Rigning, slydda eða snjókoma sunnantil á landinu og hiti 0 til 6 stig. Úrkomulítið norðan- og austanlands og vægt frost, en snjókoma með köflum þar seinnipartinn. Suðvestan 5-13 og skúrir suðvestanlands undir kvöld.
Suðvestan 5-13 á morgun og dálitlar skúrir eða slydduél, en lengst af þurrt á Norðaustur- og Austurlandi. Sunnan 3-10 annað kvöld. Hiti 2 til 8 stig.
Spá gerð: 24.03.2025 08:27. Gildir til: 26.03.2025 00:00.
Veðurhorfur á landinu næstu daga
Á miðvikudag:
Austlæg átt 8-15 og víða rigning eða slydda. Hiti 1 til 7 stig. Norðaustan 13-20 norðantil undir kvöld og kólnar með snjókomu eða slyddu. Hægari vindur annars staðar og rigning með köflum, en gengur í allhvassa suðvestanátt syðst á landinu.
Á fimmtudag:
Norðaustan 10-18 en mun hægari sunnanlands. Snjókoma með köflum norðan- og austanlands og vægt frost, en skúrir eða él sunnantil með hita 0 til 6 stig.
Á föstudag:
Norðan 5-13, en austlægari syðst. Allvíða él og frost 1 til 8 stig.
Á laugardag:
Norðaustlæg eða breytileg átt og él við suðurströndina, annars þurrt að kalla. Frost 0 til 8 stig.
Á sunnudag:
Ákveðin suðaustlæg átt og hlýnar með slyddu og síðan rigningu um landið sunnan- og vestanvert.
Spá gerð: 24.03.2025 08:43. Gildir til: 31.03.2025 12:00.
