Hugleiðingar veðurfræðings
Nú er farið að bæta í vind og hlýna. Með morgninum bætir talsvert í rigningu sunnan- og vestantil og hitinn fer víða í 5 til 8 stig. Búast má við mikilli leysingu um allt land og í þéttbýli reynir mikið á frárennsliskerfi og góð leið til að fyrirbyggja vatnstjón er að greiða leið vatns í niðurföll. Á Norðurlandi sem og sums staðar á Vestförðum og Austfjörðum er meiri snjór en syðra og þar geta myndast aðstæður til aukinnar snjóflóðahættu. Eins munu ár og lækir ryðja sig víðast hvar og við þannig aðstæður geta myndast klakastíflur. Sem sagt, árverkni getur borgað sig.
Spá gerð: 25.03.2019 06:40. Gildir til: 26.03.2019 00:00.
Veðurhorfur á landinu
Suðaustan 10-18 en allt að 25 á norðanverðu Snæfellsnesi. Hægari framan af degi á NA- og A-landi. Rigning eða talsverð rigning á S- og V-landi, en úrkomulítið NA-til. Hlýnandi, hiti 4 til 8 stig síðdegis. Snýst í SV 10-23 í kvöld, hvassast NV-lands. Skúrir en síðan él S- og V-lands. Bjartviðri á austanverðu landinu. SV 8-15 annað kvöld. Kólnar smám saman á morgun og víða frost annað kvöld. Spá var gerð: 25.03.2019 09:29. Gildir til: 27.03.2019 00:00.
Veðurhorfur á landinu næstu daga
Á miðvikudag:
Allhvöss sunnan- og suðvestanátt og rigning eða slydda, en úrkomulítið NA-til á landinu. Hiti 1 til 6 stig. Vestlægari með éljum og kólnar um kvöldið, fyrst V-lands.
Á fimmtudag:
Suðvestan, 8-15. Snjó- eða slydduél en úrkomulaust NA-til. Hiti um eða undir frostmarki.
Á föstudag:
Vestlæg eða breytileg átt og él nema á Austurlandi. Frost um mest allt land.
Á laugardag:
Hægviðri og stöku él. Frost 0 til 10 stig, kaldast inn til landsins.
Á sunnudag:
Suðaustanátt og rigning eða slydda S- og V-lands en síðan él. Frostlaust úti við sjóinn.
Spá var gerð: 25.03.2019 08:54. Gildir til: 01.04.2019 12:00.