Hér fyrir neðan eru helstu mál LRH frá klukkan 17:00 til 05:00. Listinn er ekki tæmandi:
Nokkuð um aðstoðarbeiðnir vegna fólks í annarlegu ástandi og veikinda. Þá bárust einnig beiðnir um aðstoð við opinbera aðila sem lögregla sinnti.
Þegar þetta er skrifað gistir einn í fangaklefa. Hér að neðan eru helstu mál úr dagbók lögreglu:
Lögreglustöð 1
- Ökumaður handtekinn í hverfi 105 grunaður um akstur undir áhrifum ávana- og fíkniefna sem og að aka sviptur ökuréttindum. Ökumaður færður á lögreglustöð í hefðbundið ferli. Við nánari skoðun reyndist sá eftirlýstur.
- Tilkynnt um innbrot í heimahús í hverfi 105. Málið er í rannsókn.
- Óskað eftir aðstoð lögreglu vegna ágreinings um kött. Báðir einstaklingar töldu sig réttmætan eiganda kattarins. Rannsókn lögreglumanna á vettvangi varð til þess að kötturinn komst til réttmæts eiganda.
- Óskað eftir aðstoð lögreglu vegna aðila í annarlegu ástandi að ógna og hóta börnum í hverfi 107. Málið er í rannsókn.
- Tilkynnt um aðila í annarlegu ástandi í hverfi 101 að brjóta rúður í fjölbýli og að reyna að komast þar inn. Aðilinn handtekinn. Málið er í rannsókn.
- Tilkynnt um nokkra aðila að reyna að opna hurðir á kyrrstæðum og mannlausum bifreiðum í hverfi 101. Lögregla hafði upp á umræddum aðilum og málið afgreitt á vettvangi.
- Tilkynnt um hóp ungmenna inni í menntastofnun í leyfisleysi í hverfi 108. Grunur um húsbrot. Málið er í rannsókn.
Leigubílstjóri óskaði aðstoðar vegna líkamsárásar í hverfi 108. Málið er í rannsókn.
Lögreglustöð 3
- Óskað eftir aðstoð lögreglu vegna ágreinings í heimahúsi í hverfi 201. Málið afgreitt á vettvangi.
- Tilkynnt um þjófnað í verslun í hverfi 201. Afgreitt á vettvangi.
- Ökumaður handtekinn í hverfi 200 eftir að hafa reynt að stinga lögreglu af en hann er grunaður um akstur undir áhrifum ávana- og fíkniefna og lyfja, að aka ítrekað án þess að hafa öðlast ökuréttindi, óheimil notkun nagladekkja og að aka bifreið þar sem ástand hennar var með þeim hætti að það olli hættu fyrir aðra.
- Ökumaður færður á lögreglustöð í hefðbundið ferli.
- Ótryggð bifreið stöðvuð í hverfi 200. Skráningarmerki fjarðlægð og viðeigandi ráðstafanir gerðar.
Umræða
